මස්කෙලියේදී කොටි ධේනුවක්ව හිසට වෙඩි තබා ඝාතනය කරලා

හිසට වෙඩි තබා ඝාතනය කර තිබු කඳුකර කොටි ධේනුවකගේ සිරුරක් මස්කෙලිය බ්‍රවුන්ලෝ තේ වත්තේ තිබී හමු වී තිබේ.

නල්ලතන්නිය වනජිවි කාර්යයාලයේ වන සත්ව අඩවි ආරක්ෂක, ප්‍රභාෂ් කරුණාතිලක මහතා පවසා සිටියේ එම සිරුර ඊයේ (21) දිනයේ දී සොයා ගත් බවය.

මස්කෙළිය පොලිස් වසමට අයත් බ්‍රවුන්ලෝ තේ වත්තේ පාසලට ඉහළින්, මිය ගිය කඳුකර කොටියෙකුගේ සිරුරක් ඇති බවට වතු කම්කරුවන් පිරිසක් විසින් නල්ලතන්නිය වනජිවි කාර්යයාලයේ නිලධාරින්ට දැනුම් දී තිබේ.

කොටි ධේනුවට වෙඩි තබා ඝාතනය කළ සැකකරු අත්අඩංගුවට ගැනිම සඳහා විශේෂ විමර්ශනයක් මේ වන විට ආරම්භ කර තිබේ.

මිය ගිය කොටි ධේනුව සම්බන්ධයෙන් හැටන් මහෙස්ත්‍රාත් අධිකරණය වෙත කරුණු වාර්තා කර, පශ්චාත් මරණ පරික්ෂණය සඳහා රන්දෙණිගල පශු වෛද්‍ය රෝහල වෙත යොමු කර තිබේ.

The post මස්කෙලියේදී කොටි ධේනුවක්ව හිසට වෙඩි තබා ඝාතනය කරලා appeared first on ColomboXnews.