බෙලිඅත්ත පංච පුද්ගල ඝාතනය සදහා පැමිණි වාහනය සහ රියදුරු අත්අඩංගුවට

දක්ෂිණ අධිවේගී මාර්ගයේ බෙලිඅත්ත පිවිසුම අසලදී පුද්ගලයන් 5 දෙනෙකු ඝාතනය කිරීමේ සිද්ධිය සම්බන්ධයෙන් සැකකරුවෙකු අද (ජන. 24) අත්අඩංගුවට ගෙන තිබේ.

අප සිදු කළ විමසීමකදී මහජන ආරක්ෂක අමාත්‍ය ටිරාන් අලස් මේ බව සඳහන් කළේ ය.

මෙම ඝාතනය සම්බන්ධයෙන් අත්අඩංගුවට ගෙන ඇත්තේ, 54 හැවිරිදි සමන් කුමාර නමැති පුද්ගලයෙකි.

අමාත්‍යවරයා සඳහන් කළේ, මෙම ඝාතනය සිදු කිරීමට පැමිණි ජීප් රථය ගාල්ලේ විද්‍යාලෝක පිරිවෙනේ රථගාලේ තිබියදී සොයා ගෙන ඇති බව ය.

ඔහු තවදුරට ත් සඳහන් කළේ, සැකකරු අපරාධය සඳහා පැමිණි වාහනයේ රියැදුරු ලෙස කටයුතු කර ඇති අතර මෙම අපරාධය සැලසුම් කර ඇත්තේ ද ඔහු බවට අනාවරණය කරගෙන ඇති බව ය.

ජනවාරි 22 වන දා අපේ ජනබල පක්ෂයේ නායක සමන් පෙරේරා ඇතුළු පස් දෙනෙකු වෙඩි තබා ඝාතනය කෙරිණි.

The post බෙලිඅත්ත පංච පුද්ගල ඝාතනය සදහා පැමිණි වාහනය සහ රියදුරු අත්අඩංගුවට appeared first on ColomboXnews.