බඹර ප්‍රහාරයකට ලක්ව බදුල්ල මහ රෝහලට පසුගිය 24දා සවස ඇතුළත් කළ රෝගියකුගේ නාසයෙන් බඹරුන් 11 දෙනකු එළියට ගෙන ශරීරය පුරා තිබූ විස තුඩවල් දහස් ගණනක් ඉවත් කිරීමට වෛද්‍යවරුන් තිදෙනකුට හා හෙදියන් හයදෙනකුට පැය දෙකක කාලයක් ගතවූ බව වෛද්‍ය පාලිත රාජපක්ෂ මහතා පැවැසීය. ගලඋඩ රෝහලෙන් බදුල්ල මහ රෝහලට 24 වැනි දින සවස ගෙනා ආ වයස අවුරුදු 70ක පමණ පුද්ගලයකු මෙම බඹර ප්‍රහාරයට ලක්ව තිබේ. බඹර ප්‍රහාරයට ලක්වූ මෙම පුද්ගලයා ගලඋඩ ගම්මානයේ කැලෑවකට හාතාවාරිය කොළ කැඩීම සඳහා ගිය අවස්ථාවේදී බඹර වදයක් ඇවිස්සී සතුන් දහස් ගණනක් ඔහුට දෂ්ට කර තිබෙන බව වෛද්‍යවරයා පැවැසීය. ප්‍රදේශවාසීන් අනතුරට ලක්වූ පුද්ගලයා ගලඋඩ රෝහලට ගෙන එන විටත් ශරීරය පුරා බඹරුන් පිරී සිටිය බවද ප්‍රහාරයට ලක්ව බරපතළ තුවාල ලබා සිටින මෙම රෝගියා නේවාසිකව ප්‍රතිකාර ගන්නා බවද වෛද්‍ය පාලිත රාජපක්ෂ මහතා පැවැසීය.
The post බඹර ප්‍රහාරයකට මැදිවූ ගැමියාගේ නාසයෙන් බඹරුන් 11 දෙනකු බදුල්ල මහ රෝහලේදී එළියට ගනී appeared first on ColomboXnews.
Source From Colomboxnews
Author: Kamal Dhammika
#SriLanka #News #lka