පොල් සඳහා පනවා තිබූ උපරිම සිල්ලර මිල ඉවතට

පොල් සඳහා පනවා තිබූ උපරිම සිල්ලර මිල ඉවත් කළ බව පාරිභෝගික කටයුතු පිළිබඳ අධිකාරිය පවසයි. එම අධිකාරිය විසින් ඊට අදාළ ගැසට් නිවේදනය ඊයේ (18) ප්‍රකාශයට පත් කර තිබේ. පසුගිය වසරේ සැප්තැම්බර් 25 වන දින අංක 2194/73 දරණ ගැසට් පත්‍රය මඟින් පොල් සඳහා උපරිම සිල්ලර මිලක් පනවා තිබුණි.

එම ගැසට් නිවේදනයට අනුව වට ප්‍රමාණය අඟල් 13 වැඩි පොල් සඳහා රුපියල් 70ක උපරිම සිල්ලර මිලක් ද, වට ප්‍රමාණය අඟල් 12 – 13 අතර පොල් සඳහා රුපියල් 65ක් සහ වට ප්‍රමාණය අඟල් 12ට අඩු පොල් සඳහා රුපියල් 60 උපරිම සිල්ලර මිලක් ද නියම කළේය.

කෙසේ වෙතත් මෙම ගැසට් නිවේදනය රජය විසින් නිකුත් කලද පසුගිය කාලය පුරාම එය ක්‍රියාත්මකවුයේ නැත. අදාල ගැසට් එකේ මිලට වඩා ඉතා අධික මිලකට වෙළදපොලේ පොල් අලෙවි විය.

එබැවින් මෙම ගැසට් එක පැනවීම මෙන්ම අවලංගු කිරීමද ලිඛිත හා නීතිමය කාරණයක් මිස එය වෙළදපොලට අදාල වුයේ නැත.

The post පොල් සඳහා පනවා තිබූ උපරිම සිල්ලර මිල ඉවතට appeared first on ColomboXnews.