පසුගිය අප්‍රේල් 21ට යෙදී තිබූ පාස්කු ඉරිදා දින ස්ලාම් අන්තවාදීන් විසින් එල්ල කළ පාස්කු ප්‍රහාරයේ ප්‍රබලම චූදිතයෙකු යැයි පොහොට්ටු පක්ෂයේ නායකයින්ගේ සට පහළ සාමාජිකයින් දක්වාම චෝදනා එල්ල කළ ප්‍රබලයෙකු වන රිෂඩ් බදියුදීන් මන්ත්‍රීවරයා අද (01) දින වව්නියාව දිස්ත්‍රික් ලේකම් කාර්යාලයේ නව ශ්‍රවණාගාරය ජනතා අයිතියට පත් කිරීමේ උත්සවයේ ආරාධිත අමුත්තෙක් ලෙස රාජ්‍ය පරිපාලන, ආපදා කළමනාකරණ, ආරක්ෂක රාජ්‍ය අමාත්‍ය චමල් රාජපක්ෂ මහතා සමග සහභාගී වී තිබිණි.
එහිදී චමල් රාජපක්ෂ මහතා සහ රිෂඩ් බදියුදීන් මහතා එකිනෙකා වැලඳගනිමින් සුභපතාගැනීම විශේෂත්වයකි.
විශේෂයෙන්ම පාස්කු ඉරිදා එල්ල කළ ම්ලේච්ච මරාගෙන මැරෙන බෝම්බ ප්‍රහාර මාලාවට වගකිවයුතු පුද්ගලයෙකු ලෙස පොහොට්ටු පක්ෂය විසින්ම නිරන්තරයෙන් චෝදනාත්මකව හඳුන්වනු ලැබූ රිෂාඩ් බදියුදීන් මන්ත්‍රීවරයා කිසිම අවස්ථාවය ආණ්ඩුවට හෝ රජයේ කටයුතුවලට වද්දාගන්නේ නැතැයි ජනාධිපති ජගෝඨාභය රාජපක්ෂ මහතා මෙන්ම අග්‍රාමාත්‍ය මහින්ද රාජපක්ෂ මහතා මෙන්ම ආණ්ඩු පක්ෂයේ බොහෝ මැති ඇමතිවරු ප්‍රකාශකර තිබිණි.
එහෙත් දැන් දැන් රිෂඩ් බදියුදීන් ආණ්ඩුව වෙත කෙමෙන් කෙමෙන් සමීපකරගනිමින් සිටී. විශේෂයෙන්ම පාස්කු ප්‍රහාරයට සම්බන්ධ ප්‍රහාරකයින් සමග සෘජු පුද්ගල සම්බන්ධතා පවත්වාගෙන ගිය බවට චෝදනා කරමින් අත්අඩංගුවට ගෙන මාස පහක් පමණ කාලයක් රඳවාගෙන ප්‍රශ්න කරමින් සිටි රිෂඩ් බදියුදීන් මන්ත්‍රීවරයාගේ බාල සහෝදරයා වන රියාජ් බදියුදීන් මහතා කිසිම අධිකරණයකට ඉදිරිපත්නොකර අපරාෂ පරීක්ෂණ දෙපාර්තමේන්තුව විසින්ම නිදහස් කර තිබිණි.
වව්නියාව දිස්ත්‍රික් ලේකම් කාර්යාලයේ නව ශ්‍රවණාගාරය ජනතා අයිතියට පත් කිරීමේ උත්සවය සඳහා ආණ්ඩුකාරවරු වන අනුරාධා යහම්පත්, මහීපාල හේරත්, පී.එච්.එම් චාර්ල්ස් යන මහත්ම මහත්මීන් මෙන්ම පාර්ලිමේන්තු මන්ත්‍රීවරු වන කාදර් මස්තාන්, සෙල්වම් අඩ්ක්කලනාදන්, ආරක්ෂක ලේකම් විශ්‍රාමික මේජර් ජෙනරාල් කමල් ගුණරත්න යන මහත්වරු ඇතළු පිරිසක්ද සහභාගී වී සිට ඇත.
ආශ්‍රිත පුවත් – විස්සට බදුර්දීන්ලාගේ සහාය ගන්න බදුර්දීන්ගේ මල්ලි CIDයෙන්ම නිදහස් කර ගෙදරයවයි…
The post පාස්කු ප්‍රහාරයට චූදිතයෙක් යැයි පොහොට්ටුව පැවසූ බදුර්දීන් චමල් රාජපක්ෂ වැලඳගනියි appeared first on ColomboXnews.
Source From Colomboxnews
Author: Thilak Priyantha
#SriLanka #News #lka