දූෂණ අක්‍රමිකතා චෝදනා මත හිටපු ප්‍රංශ ජනපති නිකොලස් සාර්කොසි ට ප්‍රංශ අධිකරණයක් විසින් වසර තුනක සිර දඬුවමක් නියම කර තිබේ.
2014 වර්ෂයේදී මැතිවරණ මූල්‍ය අක්‍රමිකතා චෝදනාවක් සම්බන්ධයෙන් පැවති විමර්ශනයක දී අදාළ ජ්‍යෙෂ්ඨ විනිශ්චයකරු ගෙන් ඊට අදාළ තොරතුරු නීතිවිරෝධී මාර්ගයෙන් ලබා ගැනීමට තැත්කිරීම අධිකරණය හමුවේ තහවුරු වූ නිසාවෙනි ඉහත තීන්දුව ප්‍රකාශයට පත්කර තිබෙන්නේ.
කෙසේ වෙතත් මෙම නඩු තීන්දුව තුළ ලබා දුන් සිර දඬුවම් කාලසීමාව වසර 1 කට සීමා කර ඇති අතර, එම කාලය තුළ නිවාස අඩස්සියේ (House Arrest) තැබීමට ද අධිකරණය පසුව තීන්දු කර තිබේ.
ඒ අනුව ඔහු බන්ධනාගාර ගත නොවන අතර, සිය නිවස තුළ නිලධාරීන්ගේ අධීක්ෂණය මධ්‍යයේ ඉලෙක්ට්‍රොනික පළඳනාවක් සහිතව සිටීමට සාර්කොසි ට සිදුවනු ඇත.
සාර්කොසි මහතා 2007 – 2012 කාලය තුළ ප්‍රංශයේ ජනාධිපතිධුරය හෙබවීය.
නූතන ප්‍රංශ ඉතිහාසයේ පළමු වරට චෝදනාවකට වරදකරු වී සිරදඬුවම් නියම වූ ජනාධිපතිවරයා සාර්කොසි මහතා ය.
සාර්කොසි සමඟ ඔහුගේ සමවිත්තිකරුවන් හා නීතීඥයින් වන තියරි හර්සොග් සහ හිටපු මහේස්ත්‍රාත් ගිල්බර්ට් අසිබර්ට් යන අයට වසර දෙකක සිරදඬුවමක් සහ වසර දෙකක අත්හිටවූ සිරදඬුවමක් පැනවීමට ඉහත අධිකරණය කටයුතු කර තිබේ.
මෙම අක්‍රමිකතා චෝදනා වලට හර්සොග් සහ අසිබර්ට් වරදකරුවන් වූ අතර අදාළ සිරදඬුවම ඔවුනට හිමිවනු ඇති.
The post ප්‍රංශයේ හිටපු ජනපති නිකොලස් සාර්කොසිට වසර 3ක සිර දඬුවමක් සහ වසරක් නිවාස අඩස්සියේ appeared first on ColomboXnews.
Source From Colomboxnews
Author: Kamal Dhammika
#SriLanka #News #lka