පක්ෂ 11 කණ්ඩායමට තියෙන්නේ මස් කට්ටේ ප්‍රශ්නයක් – අනුර කුමාර දිසානායක

ආණ්ඩුවේ සන්ධානගත පක්ෂ 11 සම්බන්ධයෙන් ජනතා විමුක්ති පෙරමුණේ නායක අනුර කුමාර දිසානායක මහතා ස්ථාවරය ප්‍රකාශ කරනවා.

ජාතික ජනබලවේගයේද නායකයා වන ඔහු පක්ෂ 11 කණ්ඩායම හඳුන්වා දෙන්නේ කිසිදු බලපෑමක් කිරීමට නොහැකි කණ්ඩායමක් ලෙසටයි.

ගැටුමට හේතුව

පක්ෂ 11 කණ්ඩායම ආණ්ඩුව සමඟ ප්‍රශ්න ඇති කර ගැනීමට හේතුවද ජ.වි.පෙ නායකයා පෙන්වා දෙනවා.

පක්ෂ 11 කණ්ඩායම ආණ්ඩුවෙන් ලැබෙන මස් කට්ටේ ප්‍රමාණය අඩු වීම මත නාහෙන් අඬන පිරිසක් ලෙසයි දිසානායක මහතා දකින්නේ.

ඒ නිසා එම කණ්ඩායම ආණ්ඩුව සමඟ ඇති ගැටුම ප්‍රතිපත්තිමය ගැටුමක් නොවන බව ඔහු අවධාරණය කරනවා.

පක්ෂ 11 සංදර්ශනය

පක්ෂ 11 හා ආණ්ඩුව අතර ගැටුම නොසලකා හැරිය යුතු මට්ටමේ සංදර්ශනයක් බවයි දිසානායක මහතා සඳහන් කරන්නේ.

ජ.වි.පෙ නායකයා ආණ්ඩුවේ සන්ධානගත පක්ෂ 11 පිළිබඳව සිය ස්ථාවරය හෙළි කළේ ඉරිදා ජාතික පුවත් පතක් සමග පැවති පුවත්පතක් සමඟ පැවති සාකච්ඡාවකදී.

විශේෂයෙන්ම ආණ්ඩුවේ සන්ධානගත පක්ෂ 11 කණ්ඩායමට නායකත්වය දෙන ප්‍රධානම චරිතයක් වන විමල් වීරවංශ මහතා ජ.වි.පෙන් සිය දේශපාලනය ආරම්භ කළ කෙනෙක්.

පසුගිය කාල වකවානුව පුරාවට මෙන්ම වර්තමානයේද වීරවංශ මහතා ජ.වි.පෙ තදින් විවේචනය කරන්නෙක්.

The post පක්ෂ 11 කණ්ඩායමට තියෙන්නේ මස් කට්ටේ ප්‍රශ්නයක් – අනුර කුමාර දිසානායක appeared first on ColomboXnews.