දෛනිකව සිදු කරන PCR පරීක්ෂණ ප්‍රමාණය ඉහළ නංවන්නැයි තම සංවිධානය දිගින් දිගටම ප්‍රකාශ කළද තවමත් ඒ පිළිබ ඳව බලධාරීන්ගේ අවධානය යොමු වී නොමැති බව රජයේ වෛද්‍ය නිළධාරීන්ගේ සංගමය පවසනවා. විශේෂයෙන් දිවයිනේ සෑම ප්‍රදේශයකම අහඹු ලෙස තෝරා ගත් පුද්ගලයන් PCR පරීක්ෂණ සඳහා යොමු කළයුතු බවයි එම සංවිධානය අවධාරණය කරන්නේ.
එවැනි අහඹු ලෙස තෝරා ගත් පුද්ගලයන් සැලකිය යුතු ප්‍රමාණයක් පරීක්ෂණ සඳහා යොමු කිරීමෙන් තොරව කිසිදු ප්‍රදේශයක් අවදානමෙන් තොර යැයි ප්‍රකාශ කළ නොහැකි බවයි රජයේ වෛද්‍ය නිළධාරීන්ගේ සංගමය පවසන්නේ.
දෛනිකව සැලකිය යුතු ප්‍රමාණයක් පරීක්ෂණ පැවැත්වීම සඳහා අවශ්‍ය පහසුකම් තිබියදී එවැනි පියවරක් අනුගමනය නොකිරීම බරපතල ගැටලුවක් බවත් විශේෂෆයන් දේශපාලන අධිකාරිය ඒ සඳහා අවශ්‍ය නියාමනය සෞඛ්‍ය බළධාරීන්ට ලබා නොදීම ප්‍රශ්න කළයුත බරපතල තත්වයක් බවත් වෛද්‍ය සංගමය පවසනවා.
මේ අනුව ඉදිරියේදී ඕනෑම මොහොතක දෙවැනි රැල්ලක් ඇතිවීමේ අවදානමක් මතුව ඇති බව පෙන්වා දෙන රජයේ වෛද්‍ය නිළධාරීන්ගේ සංගමය පවසන්නේ එසේ වුවහොත් එහි බරපතල ප්‍රතිවිපාක විඳීමට සමස්ත රටටම සිදුවන බවයි.
The post දෛනික PCR ප්‍රමාණය ගැන සෑහීමට පත්වෙන්න බෑ – දෙවැනි කොරෝනා රැල්ලක් ගැන GMOA යළිත් අනතුරු අඟවයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka