දන්ත ධාතුව ඌරු දතක් ලලාට ධාතුව සිප්පි කටුවක් කියා සමන්තභද්‍ර හිමි අපහාස කරද්දී අද කෑගහන අය එදා හිටියේ කොහෙද..? සමාජජාල තුල විමල් විරවංශ, විජේදාස රාජපක්ෂ ඇතුළු පිරිස පතුරු ගහයි (වීඩියෝ/ඡායාරූප)

මේ දිනවල මහනුවර දළදා මාලිගාව සහ දන්ත ධාතුන් පිලිබදව සමාජය තුල දැඩි කතාබහක් ඇතිවී තිබේ. ඒ යුටියුබ් ක්‍රියාකරුවෙකු වන සේපාල අමරසිංහ නම් තැනැත්තෙක් විසින් දන්ත දාතූන් හැදින්වීම සදහා ‘ලබ්බ‘ යනුවෙනු ප්‍රකාශ කිරීම හේතුවෙනි.

මේ පිලිබදව පසුගියදා පාර්ලිමේන්තුවේදී විජේදාස රාජපක්ෂ , විමල් වීරවංශ ඇතුළු පිරිසක් දැඩිව නීතිය ක්‍රියාත්මක කලයුතු බව පවසමින් දැඩිව පෙනී සිටින ලදි.

ඉන් පසුව ඊයේ දිනය තුලදී මෙම සේපාල අමරසිංහ නැමැත්තා අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබීය.

කෙසේ වෙතත් මෙවැනිම ප්‍රකාශයක් කරමින් 2017 වසරේදී සමන්ත භද්‍ර හෙවත් පිටිදූවේ සිරිධම්ම හිමියන් ප්‍රකාශ කලේ දන්ත ධාතුව යනු ඌරු දතක් කියාය. නමුත් ඒ අවස්ථාවේදී අද මෙම සිදුවීමට කෑමොරදෙන කිසිවෙකු ඒ වෙනුවෙන් ඉදිරියට ආවේ නැත. මේ හේතුව නිසා මේ වනවිට සමාජජාල මාධ්‍ය තුල විජේදාස රාජපක්ෂ , විමල් වීරවංශ ඇතුළු පිරිසට ඔවුන්ගේ මෙම දෙබිඩි හැසිරීම පිලිබදව දැඩි විවේචනයක් එල්ල වෙමින් පවතී.

පසුගිය 2017 අගොස්තු මසදී සිය ආශ්‍රමයේ ධර්ම කතාවක් අතරතුර බුදු හිමියන්ගේ දන්ත ධාතූන් වහන්සේට හා ලලාට ධාතූන් වහන්සේට අපහාස කරමින් සමන්ත භද්‍ර හෙවත් පිටිදූවේ සිරිධම්ම හිමියන් සිදු කළ ප්‍රකාශයක් නිසා එම හිමියන් නියෝජනය කරන මල්වතු පාර්ශ්වයෙන් එහිමි නෙරපා දමන්නට තීරණය කිරීමෙන් පසු එය වළක්වා ගැනීමේ අටියෙන් ඊයේ ප්‍රසිද්ධියේ මල්වතු මහනාහිමිවරුන්ගෙන් වැඳ සමාව ගන්නට ඒහිමියන්ට සිදුවුණා.
බෞද්ධයින් මිත්‍යාවට හසුවී බුදු රජාණන් වහන්සේගේ ලලාට ධාතුව ලෙස සිතා සිප්පි කටුවකට වන්දනාමාන කරන බවත් දන්ත ධාතුව ලෙස සිතා ඌරු දතකට වන්දනාමාන කරන බවත්
මේ ඇත්ත පිළිගන්නට බැරිව ඒ පසුපස යන අය අපාගත වියහැකි බවත් සිය දේශනයේදී පෙන්වාදී තිබුණ සමන්ත භද්‍ර හෙවත් පිටිදූවේ සිරිධම්ම හිමියන් ධාතු කරඬුව ගඟට විසිකරන ලෙසත් ඉල්ලා තිබේ.
රහතන් වහන්සේ නමක ලෙස තමා සෘජු වචන කථාකිරීම හා හෘද සාක්ෂියට අනුව ජීවත්වන නිසා මෙම සත්‍යය පහදා දෙන බවද එම දේශනයේදී පවසා තිබේ.

මෙම දේශනය විමර්ශනය කරන ලද මල්වතු පාර්ශ්වීය කාරක සංඝ සභාව සමන්ත භද්‍ර හෙවත් පිටිදූවේ සිරිධම්ම හිමියන්  මල්වතු පාර්ශවයෙන් ඉවත් කිරීමට තීරණයක් ගනු ලැබ ඇති අවස්ථාවේදී
“යම් අයුරකින් මා අතින් ප්‍රකාශ සිදු කරන විටදි මල්වතු මහා නායක හිමිවරුන්ට හා මල්වතු පාර්ශවයට යම් අපහසුතාවයක් ඇතිවුවනම් ඒ සම්බන්ධව සමාව ඉල්ලා සිටිනවා. මට සමාව ගන්න ලැජ්ජාවක් නෑ.”

ආදී ලෙස කරුණු දක්වමින් සමන්ත භද්‍ර හෙවත් පිටිදූවේ සිරිධම්ම හිමියන් ඊයේ වැඳ වැටී සමාව ඉල්ලා තිබේ.
සමාව භාරගැනීම ලිඛිතවද සිදුවිය යුතු බවත් තවත් අවස්ථා ඇත්තේ දෙකක් පමණක් බවත් මල්වතු හිමියන් මෙහිදී සමන්ත භද්‍ර හෙවත් පිටිදූවේ සිරිධම්ම හිමියන් හිමියන් වෙත දන්වා ඇත.

තමන් වහන්සේ රහත් භාවය ලබා ඇතැයිද පවසමින් විවිධ අවස්ථාවල සමාජය කුපිත කරවන අසාමාන්‍ය ප්‍රකාශ නිකුත් කරන මෙම හිමියන්ගේ ක්‍රියා කලාපය විවිධ විවේචනයන්ට ලක්ව තිබේ.

එහිමි වසන දෙහිවල පිහිටි ආශ්‍රමය වරක් ගිහි පැවිදි පිරිසක් වටළා තිබුණ අතර පිළියන්දල සිදු කරන්නට ගිය වැඩසටහනකට ප්‍රදේශවාසීන්ගේ කුණු බිත්තර ප්‍රහාරද එල්ල විය. මින් ටික කලකට ඉහත පාප් වහන්සේට එරෙහිව ප්‍රකාශයක් නිකුත් කිරීම නිසාද ආන්දෝලනයක් ඇති කර තිබුණි.

දන්ත ධාතුව ඌරු දතක් ලලාට ධාතුව සිප්පි කටුවක් යයි කියමින් පිටිදූවේ සිරිධම්ම හිමි සිදු කළ ප්‍රකාශය පහතින් – සමාව ගත් අවස්ථාවේ ඡායාරූප ඊට පහතින්

The post දන්ත ධාතුව ඌරු දතක් ලලාට ධාතුව සිප්පි කටුවක් කියා සමන්තභද්‍ර හිමි අපහාස කරද්දී අද කෑගහන අය එදා හිටියේ කොහෙද..? සමාජජාල තුල විමල් විරවංශ, විජේදාස රාජපක්ෂ ඇතුළු පිරිස පතුරු ගහයි (වීඩියෝ/ඡායාරූප) appeared first on ColomboXnews.