ආණ්ඩුව විසින් ජාත්‍යන්තර මූල්‍ය අරමුදලේ කොන්දේසි වලට යටත්ව EPF – ETF ඇතුළු සේවක අරමුදල් කොල්ලකෑමට එරෙහිව ජාතික ජන බලවේගය විසින් අද (31) සවස අධිකරණයේ තහනම් නියෝග මැද කොළඹ, කොටුව දුම්රියපළ ඉදිරිපිට විරෝධතාවයක් සංවිධානය කර තිබුණා. ඊට රාජ්‍ය සහ පෞද්ගලික ආයතන ගණනාවක වෘත්තීය සමිති නියෝජිතයන් හා ජාතික ජන බලවේගයේ පිරිස් එක්ව සිටියා.
අද (31) දහවල් 12.00 සිට පස්වරු 06.00 දක්වා කාලය තුළ ජනාධිපති ලේකම් කාර්යාලය, ජනාධිපති මන්දිරය, මුදල් අමාත්‍යාංශය, මහ බැංකුව, පොලිස් මූලස්ථානය, කොටුව දුම්රිය ස්ථානයේ සිට CTO මංසන්ධිය දක්වා වන ඕල්කට් මාවත, CTO මංසන්ධියේ සිට සෙරමික් මංසන්ධිය NSA වටරවුම දක්වා ඇති ලෝටස් මාර්ගය ආශ්‍රිතව උද්ඝෝෂණ පැවැත්වීම ජාතික ජන බලවේගයේ නායක අනුර දිසානායක, ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා ඇතුළු පිරිසකට තහනම් කර තිබුනා.
මෙම නියෝගය නිකුත් කර ඇත්තේ, කොටුව පොලීසිය විසින් කොටුව මහෙස්ත්‍රාත් අධිකරණයට සිදුකළ කරුණු දැක්වීමකට අනුවය.
කෙසේ වෙතත් විශාල පිරිසකගේ සහභාගීත්වයෙන් අද සවස කොටුව දුම්රියපොල ඉදිරිපිටදී EPF – ETF කොල්ලයට එරෙහිව දැවැන්ත උද්ඝෝෂණයක් ඔවුන් විසින් දියත් කරන ලදි.
අර්ථසාධක අරමුදල රැකගන්න ජාතික ජන බලවේගය
The post තහනම් නියෝග මැද EPF – ETF කොල්ලයට එරෙහිව මාලිමාව කොළඹ කොටුව වටලයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka