සමගි ජන බලවේගය ජාතික ලැයිස්තු මන්ත්‍රී ඩයනා ගමගේ මහත්මිය බ්‍රිතාන්‍ය පුරවැසියෙකු බවට ඔප්පු කිරීමට හැකි සාධක තමන් සතුව තිබෙන බව සමගි ජන බලවේගය ප්‍රකාශකයෙක් ප්‍රකාශ කරයි. ඩයනා ගමගේ මහත්මිය සමගි ජන බලවේගය ජාතික ලැයිස්තු මන්ත්‍රී ධුරයට පත්කරද්දී ඒ සම්බන්ධයෙන් දැනුවත් ව නොසිටි බව ද එම ප්‍රකාශකයා වැඩිදුරටත් පෙන්වා දෙයි.
එහෙත් ඩයනා ගමගේ මන්ත්‍රීවරිය 20 වැනි ආණ්ඩුක්‍රම ව්‍යවස්ථා සංශෝධනයට පක්ෂව ඡන්දය දෙමින් ආණ්ඩුවට එකතු වීමත් සමග ඇගේ දිවිත්ව පුරවැසිභාවය පිළිබඳව තොරතුරු හෙළිදරව් කර ගැනීමට හැකි වූ බව එම ප්‍රකාශකයා වැඩිදුරටත් සඳහන් කරයි.
20 වැනි ආණ්ඩුක්‍රම ව්‍යවස්ථා සංශෝධනයට අනුව ද්විත්ව පුරවැසියෙකුට මහජන නියෝජිතයකු ලෙස පාර්ලිමේන්තුව නියෝජනය කිරීමට ප්‍රතිපාදන තිබුණද ඩයනා ගමගේ මහත්මිය පාර්ලිමේන්තුවට තේරී පත් වූ 19 වන ආණ්ඩුක්‍රම ව්‍යවස්ථාවෙන් එවැනි ප්‍රතිපාදනයක් නොමැති බවද පෙන්වා දෙන එම ප්‍රකාශකයා එම පදනම මත ඩයනා ගමගේ මන්ත්‍රීවරියට පාර්ලිමේන්තු මන්ත්‍රී ධූරයක් දැරීමට නොහැකි බවද අවධාරණය කරයි.
ඩයනා ගමගේ මන්ත්‍රීවරියගේ ද්විත්ව පුරවැසිභාවය පදනම් කොටගෙන සමගි ජන බලවේගයට සම්බන්ධ නීතිඥවරු පිරිසක් නීතිමය ක්‍රියාමාර්ග ගැනීමට සූදානමින් සිටින බව මාධ්‍ය වාර්තා කර තිබේ.
The post ඩයනා ගමගේ බ්‍රිතාන්‍යයේත් පුරවැසියෙක් – ඔප්පු කරන්න සාක්ෂි තිබෙනවා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka