ඥානසාර හාමුදුරුවෝ මට පහර දුන්නා – අරඹේපොල රතනසාර හිමි ස්විස් තානාපති රැකවරණ පතයි

මෙවර පාර්ලිමේන්තු මහ මැතිවරණයේදී අපේ ජන බල පක්ෂය වෙත ලැබුණු ජාතික ලැයිස්තු මන්ත්‍රී ධුරය හේතුවෙන් හටගෙන ඇති අර්බුදය තවමත් අවසන් වී නොමැත. මේ වනවිටත් එම පක්ෂයේ ලේකම්වරයා අතුරුදන්ව සිටින අතර පසුගියදා එම පක්ෂයේ නායකයෙකු වන ගලගොඩඅත්තේ ඥානසාර හිමි ප්‍රකාශ කළේ ලේකම්වරයා, බින් ලාඩන් මෙන් සැඟවී සිට විටින් විට වීඩියෝ පට නිකුත් කරන බවයි.

මේ අතර එම පක්ෂයේ ඉදිරි පෙළ නායක භික්ෂූන වහන්සේ නමක් මාධ්‍ය වෙත ප්‍රකාශයක් සිදු කරමින් පවසන්නේ පක්ෂ ලේකම්වරයා සඟවාගෙන සිටින්නේ වෙන කිසිවෙකුත් නොව අතුරලියේ රතන හිමි විසින්ම බවයි.

අද දිනයේදී එම පක්ෂයේ තවත් ක්‍රියාකාරී හිමි නමක් ස්විට්සර්ලන්ත තානාපති කාර්යාලය වෙත පැමිණ තිබෙනවා. එසේ පැමිණි අරඹේපොල රතනසාර හිමි මාධ්‍ය වෙත ප්‍රකාශ කළේ ගලගොඩඅත්තේ ඥානසාර හිමි ඇතුළු පිරිසක් විසින් තමාව පැහැර ගත් බවයි. කොළඹ අවට විහාරස්ථාන ඇතුළු ස්ථාන කිහිපයක රඳවාගෙන සිටිමින්, පක්ෂයේ ලේකම් වේදිනිගම විමලතිස්ස හිමි සිටින්නේ කොතැනද යන්න විමසමින් තමාට පහර දුන් බව ද රතනසර හිමි පවසනවා.

මේ වනවිට මෙම මන්ත්‍රී ධුරය හරහා සෘජුවම අතුරලියේ රතන හිමි සහ ගලගොඩඅත්තේ ඥානසාර හිමි අතර ගැටුමක් ඇති වී ිතිබෙන බවත් ඔවුන් දෙදෙනා සමගියෙන් සාකච්ඡා කර ගැටලුව විසඳා ගතයුතු බවත් අපේ ජන බල පක්ෂයට සම්බන්ධ විවිධ ආගමික හා ජාතික සංවිධානවල ක්‍රියාකාරීන් පවසනවා.

ස්විට්සර්ලන්ත තානාපති කාර්යාලය රටේ ප්‍රශ්නවලට බලහත්කාරී ලෙස මැදිහත්වන බවට සහ රටට ‍එරෙහිව විවිධ කුමන්ත්‍රණ දියත් කරන බවට චෝදනා එල්ල කරන පුද්ගයන්ට අවසානයේ එම තානාපති කාර්යාලයේම රැකවරණය පැතීමට සිදුවීම ‍එක් අතකින් දෛවයේ සරදමකි.

The post ඥානසාර හාමුදුරුවෝ මට පහර දුන්නා – අරඹේපොල රතනසාර හිමි ස්විස් තානාපති රැකවරණ පතයි appeared first on ColomboXnews.