ජවිපෙ සහ මාලිමාවේ ප්‍රතිපත්ති පිලිබද වේදිකාවේ කෑමොරදෙන සජිත්ට හෝ සජබට රට හදන්න කිසිම ප්‍රතිපත්තියක් නෑ… සජිත්ගේ හෝ සජබ වෙබ් අඩවි වල කිසිවක් සදහන් නොවේ.. සියලු විස්තර මෙන්න

අනුන්ගේ ප්‍රතිපත්ති පිලිබද මැතිවරණ වේදිකාවල නිතර කියවන සජිත් පේමදාස මහතාට හෝ ඔහුගේ සමගි ජනබලවේගයට රට ගොඩනැගීම පිලිබදව කිසිදු ප්‍රතිපත්තියක් නොමැති බව මේ වනවිට තහවුරු වී තිබේ.

මේ බව තහවුරු වන්නේ සජිත් පේමදාස මහතාගේ ෆේස්බුක් පිටුවේ සදහන් වෙබ් අඩවිය මෙන්ම සමගි ජන බලවේගයේ වෙබ් අඩවිය නිරීක්ෂණය කිරිමෙනි. https://www.sajith.lk/ ලෙස සජිත් පේමදාස මහතාගේ ෆේස්බුක් පිටුවේ සදහන් වෙබ් අඩවියේ POLICY යනුවෙන් සදහන් කර ඇති අයිතමය පිරික්සීමේදී 9 – Point Action Plan ලෙස සදහන් වුවද එහි කිසිවක් සදහන් නොවේ. රටේ විපක්ෂ නායකවරයා ලෙස සජිත් පේමදාස මහතාගේ නිල වෙබ් අඩවිය මෙවැනි තත්ත්වයක පැවතීම ඉතා අබාවාචක තත්ත්වයකි.

එමෙන්ම සමගි ජන බලවේගයේ වෙබ් අඩවිය තුලද අධ්‍යාපන, සෞඛ්‍ය, ප්‍රවාහන, කෘෂිකර්මාන්තය, ධීවර , කලා හා සංස්කෘතික ආදී සියලු අංශ පිලිබදව තම පක්ෂයේ වැඩපිලිවෙල කුමක්ද යන්න එහි සදහන් නොවේ. එහි ආර්ථික ඉදිරි දැක්ම යනුවෙන් මෑතකදී කොළඹ ගලධාරී හෝටලයේදී B L U E P R I N T නමින් එළිදක්වන ලද දළ සැලැස්ම පමණක් සදහන්වේ.

තවද සජිත් පේමදාස මහතාගේ වෙබ් අඩවිය SSL සහතිකයවත් යාවත්කාලීන කර නොමැත.

කෙසේ වෙතත් පසුගිය දිනවල සජිත් පේමදාස මහතා මෙන්ම සමගි ජන බලවේගයේ වේදීකාවල කතා කල කථිකයින් සියල්ලම පාහේ විවේචනය කරන ලද්දේ ජවිපෙ වෙබ් අඩවියේ අඩංගු එම පක්ෂයේ පැරණි ලියවිල්ලක් පිලිබදවය. එය 1979 ජවිපෙ සමුථකදී අනුමත කරන ලද එකක් බවත් ඉන්පසුව ලෝක දේශපාලන තත්ත්ය වෙනස්වීමත් සමග ජවිපෙ තම ප්‍රතිපත්ති ඊට අනුව යාවත්කාලීන කරගෙන ඇති බවත් එම පක්ෂය ඊට ප්‍රතිචාර දක්වමින් සදහන් කිරීමත් සමග සජබ වේදිකාවේ කථිකයින් නිහඩවිය.

මේ කරුණු අනුව පෙනී යන්නේ සජිත් පේමදාස ප්‍රමුඛ සජබ නායකයින් පසුගිය දිනවල ජවිපෙ සහ මාලිමාවේ ප්‍රතිපත්ති පිලිබදව බරපතල විවේචන ඉදිරිපත් කලද ඔවුන් මේ වනතෙක් රටට නිල ප්‍රතිපත්ති ප්‍රකාශනයක් ඉදිරිපත් කර නොමැති බවයි.

සමගි ජන බලවේගයේ නිල වෙබ් අඩවිය මෙතනින් – https://www.sjb.lk/

The post ජවිපෙ සහ මාලිමාවේ ප්‍රතිපත්ති පිලිබද වේදිකාවේ කෑමොරදෙන සජිත්ට හෝ සජබට රට හදන්න කිසිම ප්‍රතිපත්තියක් නෑ… සජිත්ගේ හෝ සජබ වෙබ් අඩවි වල කිසිවක් සදහන් නොවේ.. සියලු විස්තර මෙන්න appeared first on ColomboXnews.