‘ගෝඨාභයට දිවයිනට එන්න ඉඩ සලසන්න‘ – බැසිල්, රනිල්ගෙන් ඉල්ලයි

හැකි ඉක්මනින් හිටපු ජනාධිපති ගෝඨාභය රාජපක්ෂට දිවයින  පැමිණීමට අවකාශ සලසා දෙන ලෙසත් පොදු ජන පෙරමුණ ආණ්ඩුවෙන් ඉල්ලා සිටින ප්‍රමුඛතම ඉල්ලීම එය බවත් පොදුජන පෙරමුණේ ජාතික සංවිධායක බැසිල් රාජපක්ෂ ඊයේ (18) ජනාධිපති රනිල් වික්‍රමසිංහගෙන් විශේෂ ඉල්ලීමක් කර තිබේ.

බැසිල් රාජපක්ෂ ජනාධිපති රනිල් වික්‍රමසිංහගෙන් මෙම ඉල්ලීම කරන්නේ  ශ්‍රී ලංකා පොදුජන පෙරමුණ අද  පස්වරුවේ  දී  නිල සාකච්ඡාවක් සඳහා ජනාධිපති කාර්යාලයේ දී ජනාධිපති රනිල් වික්‍රමසිංහ මුණ ගැසුණු අවස්ථාවේ දීය.

හිටපු ජනාධිපති ගෝඨාභය රාජපක්ෂට ආරක්ෂිතව යළි දිවයිනට පැමිණිම සදහා කඩිනමින් අවකාශ සැලසිය යුතු බව ජනාධිපතිවරයාට දැන්වූ බැසිල් රාජපක්ෂ එය ශ්‍රීලංකා පොදුජන පෙරමුණ ජනාධිපතිතුමා ඇතුලු රජයෙන් ඉල්ලා සිටින ප්‍රමුඛතම ඉල්ලීම බව අවධාරණය කර ඇත. .

අද පැවති සාකච්ඡාවට පොදුජන පෙරමුණ වෙනුවෙන් ප්‍රසන්න රණතුංග, සාගර කාරියවසම්, රෝහිත අබේගුණවර්ධන, ජොන්ස්ටන් ප්‍රනාන්දු, පවිත්‍රා වන්නිආරච්චි, නාමල් රාජපක්ෂ සහ සංජීව එදිරිමාන්න සහභාගි  වී ඇත.

ජනාධිපතිවරයාගේ  පාර්ශවයන් සාගල රත්නායක, වජිර අබේවර්ධන, රුවන් විජේවර්ධන හා ශමල් සෙනෙවිරත්න සහභාගි වී තිබේ.

පවතින ආර්ථික අර්බුදය විසදමින් රට ගොඩ නැගීම සදහා ශ්‍රී ලංකා පොදුජන පෙරමුණ ජනාධිපතිවරයාට පූර්ණ සහාය ලබා දෙන බව ද බැසිල් රාජපක්ෂ පොරොන්දු වී ඇත.

The post ‘ගෝඨාභයට දිවයිනට එන්න ඉඩ සලසන්න‘ – බැසිල්, රනිල්ගෙන් ඉල්ලයි appeared first on ColomboXnews.