කොරෝනා වසංගතයෙන් රට මුදා ගැනීමට පවිත්‍රා, ගම්මන්පිල, ප්‍රසන්න ඇතුළු මැති ඇමතිවරු ඒලියන්ත වයිට්ගේ බලගතු පැන් කළ ගංගාවලට මුදාහරී (වීඩියෝ)

මේ වනවිට රට පුරා ව්‍යාප්තව පවතින කොරෝනා වසංගතයෙන් රට මුදා ගැනීම අරමුණු කරගෙන රාජකීය වෛද්‍යවරයා ලෙස සැලකෙන ඒලියන්ත වයිට් මහතා විසින් විශ්ව ශක්තියෙන් බලගන්වන ලද පැන් කළ සතරක් ගංගාවන් වෙත මුදා හැරීමට පියවර ගෙන ඇත.

ඒ අනුව ඒලියන්ත වයිට් මහතා විසින් ඉන් එක් පැන් කළයක් කොද්දූව ප්‍රදේශයෙන් මාදු ගගටද, සංචාරක අමාත්‍ය ප්‍රසාන්න රණතුංග මහතා විසින් එක් පැන් කළයක් ගම්පහ ප්‍රදේශයෙන් කැලණි ගගටද, සෞඛ්‍ය අමාත්‍ය පවිත්‍රා වන්නිආරච්චි මහත්මිය විසින් එක් පැන් කළයක් රත්නපුරේදී කළු ගගටද, උදය ගම්මන්පිල මහතා විසින් එක් පැන් කළයක් කොළඹදී කැළණී ගගටද මුදා හැරීමට පියවර ගෙන තිබේ.

මීට අමතරව අනෙකුත් දිස්ත්‍රික්කවල මැතිඇමැතිවරුන්ටද මේ අයුරින්ම පැන් කළ ලබා දී අදාළ ප්‍රදේශවල ඇති ගංගා ඇල දොළවලට මුදාහරින ලෙස දැනුම් දීමක් කර ඇති බවද දැනගන්නට ඇත.

මේ ආකාරයට ඒලියන්ත වයිට්, ප්‍රසන්න රණතුංග, උදය ගම්මන්පිල සහ පවිත්‍රා වන්නිආරච්චි යන මහත්ම මහත්මීන් කොරෝනා වසංගතයෙන් රට මුදා ගැනීම සදහා විශ්ව ශක්තියෙන් බලගන්වන ලද පැන් කළ ගංගාවලට මුදාහරින වීඩියෝ කිහිපයක් අප වෙබ් අඩවිය වෙත ලැබී තිබේ.

The post කොරෝනා වසංගතයෙන් රට මුදා ගැනීමට පවිත්‍රා, ගම්මන්පිල, ප්‍රසන්න ඇතුළු මැති ඇමතිවරු ඒලියන්ත වයිට්ගේ බලගතු පැන් කළ ගංගාවලට මුදාහරී (වීඩියෝ) appeared first on ColomboXnews.