ආහාර හිඟයක් අනිවාර්ය බව පේරාදෙණිය කෘෂිකර්ම විද්‍යා පීඨයේ ජ්‍යෙෂ්ඨ මහාචාර්ය බුද්ධි මාරඹේ පවසයි. ඔහු පවසන්නේ මේ මහ කන්නයේ අස්වැන්නෙන් තුනෙන් එකක අඩුවක් පුරොකථනය කර ඇති බවය.
සාමාන්‍ය අස්වැන්නෙන් සියයට විසිපහක් තිහක් ගොවීන් තමන්ගේ පරිභෝජනය වෙනුවෙන් තබා ගන්නා බව කී මහාචාර්යවරයා හිඟ ආහාර ද්‍රව්‍ය සුලභ කරගැනීම සඳහා ආනයනයට අවශ්‍ය ඩොලර් හිඟයක් පවතින අවස්ථාවේ දී ඇතිවන තත්වය ඉතා අවුල් සහගත බව පෙන්වා දුන්නේය.
මහාචාර්ය බුද්ධි මාරඹේ මෙසේ ද පැවසීය
.“ආහාර නිශ්පාදනය කරන්නට අවශ්‍යවන ප්‍රභා සංස්ලේෂණ ක්‍රියාවලියට අතිශයින්ම වැදගත්වන නයිට්‍රිජන් පෝෂකය නොලැබීම නිසා ගස් කහ පැහැති වීම. ඉන් ආහාර නිපදවීම අඩුවීමත් ඒ හරහා අස්වැන්න අඩුවීමත් පිළිබඳ පැහැදිලි නිශ්චිත සාක්ෂි තියනවා.““කෘෂිකර්ම විද්‍යා ආර්ථික විද්‍යාඥයින්ගේ සංගමය ඉතා පැහැදිලිව ප්‍රකාශ කළේ ශාඛයට අවශ්‍ය පොහොර සහිත නිසි පෝෂණය නොලැබීම නිසා භෝග අස්වැන්න සියයට 30 සිට 35ක් දක්වා අඩුවෙන්න පුලුවන් කියලා. සමස්ථ අස්වැන්නෙන් තුනෙන් එකක් අඩුවෙනවා කියන්නේ විශාල අගයක්. හිඟ ආහාරද්‍රව්‍ය අනායනයට ඩොලර් නැති තත්වයක් තුළ තත්වය තවත් උග්‍ර වෙනවා. අනෙක අපි දැනගන්න ඕනෑම වසරක සමස්ථ අස්වැන්නෙන් සියයට විසි පහක් තිහක් ගොවි ජනතාව ඔවුන් ලඟ තබා ගන්නවා ඔවුන්ගේ පරිභෝජනය සඳහා සහ බිත්තර වී සඳහා.“ මහාචාර්ය මාරඹේ පැවසුවේය.
ශ්‍රී ජයවර්ධනපුර විශ්වවිද්‍යාලයේ මහාචාර්ය මෙත්තිකා විතානගේ පවසන්නේ දැන් කළ යුතු පළමු දේ නම් කෘෂිකර්මාන්තය යථා තත්ත්වයට පත් කිරීමට පොහොර ලබා දී ගොවිතැන කඩිනම් කිරීම බවය.මේ පවතින තත්වය ආහාර හිඟයක් ඇතිවෙන්න පුලුවන්. එය කාලයක් පැවතුනොත් සාගතයට මුහුණ දෙන්න රටට සිද්ධවේවි. මහාචාර්ය මෙත්තිකා විතානගේ කීවාය.
මෙම ආහාර හිඟය ගැන අදහස් දැක්වූ කෘෂිකර්ම ලේකම් ජ්‍යෙෂ්ඨ මහාචාර්ය උදිත් කේ ජයසිංහ එම අදහස් දැක්වීමෙන් පැය 24ක් ඇතුළත ජනාධිපතිවරයා විසින් ධුරයෙන් පහ කළේය.
The post කෘෂිකර්ම අමාත්‍යංශයේ ලේකම්ට ගෙදර යන්න වුණු කතාව පේරාදෙණි – ජ’පුර කෘෂි මහාචාර්යවරු තහවුරු කරයි..! appeared first on ColomboXnews.
Source From Colomboxnews
Author: Kamal Dhammika
#SriLanka #News #lka