එජාප මහ ලේකම් ධුරය රවීට දෙනවට බහුතර එරෙහි වෙයි.. රවී මහලේකම් කිරීමේ රනිල්ගේ සැලැස්මෙන් පක්ෂය දෙකඩවීමේ අනතුරක්.. රවී ආවොත් වෙන්න යන අවුල මෙන්න

එක්සත් ජාතික පක්ෂ සංවත්සර උත්සවයේදී මහ ලේකම් තනතුර වෙනස් කරමින් හිටපු මුදල් අමාත්‍ය මෙන්ම මහබැංකු වංචාවට සෘජු සම්බන්දයක් පවතින රවී කරුණානායක එම ධුරයට පත්කිරීම පිළිබඳව ඇතිවූ කතාබහක් නිසා එම පක්ෂයේ ආසන සංවිධායකයින් අතර බෙදීමක් හටගෙන ඇතැයි වාර්තාවේ.

අලුතින් තනතුර ලබා දීමට යන රවී කරුණානායක මහතාට බස්නාහිර පළාත නියෝජනය කරන බොහෝ සංවිධායකයින්ගෙන් දැඩි විරෝධයක් ඇති නිසා එම තනතුර වෙනස් නොකරන ලෙස ඔවුන් පක්ෂ නායකත්වයට දැනුම් දී තිබෙනවා. රවී කරුණානායක මහතා සමඟ කටයුතු කිරීමට නොහැකි බවත් ඔහුට එම තනතුර ලබාදුනහොත් දේශපාලන තීන්දුවක් ගන්නා බවද එම පිරිස අනතුරු අඟවා ඇත.

යම් හෙයකින් රවී කරුණානායක මහතා මහ ලේකම් ධුරයට පත්කිරීමට තීරණය කලහොත් එම තීන්දුවත් සමග එජාපය යලිත් දෙකඩවීමේ අනතුරක් මේ වනවිට නිර්මාණය වී තිබේ. රවී කරුණානායකට ඔහු නියෝජනය කරන කොළඹ දිස්ත්‍රික්කය තුල පවා බහුතරය සංවිධාකයින් පිරිසක් විරෝධය පලකිරීම මෙහිදී කැපී පෙනේ.

තත්වය එසේ තිබියදී පාලිත රංගේබණ්ඩාර මහතාද සිය තනතුර ආරක්ෂා කර ගැනීම සඳහා වෙනම ව්‍යාපාරයක් ආරම්භ කර ඇති බවද දන ගන්නට ඇත.

කෙසේ වෙතත් පක්ෂ සංවත්සරයට පෙර මෙම ගැටළු විසඳාගන්නා ලෙස පක්ෂ නායකත්වය විසින් කෘතියාධිකාරි මණ්ඩලයට දැනුම් දී ඇති බවද දන ගන්නට ඇත.

මේ අතර රවී කරණානායක විසින් මේ වනවිට තමන්ගේ ප්‍රතිරූපය ඉහල නැංවීමේ හා මහලේකම් ධුරය තමන්ට ලබාගැනීම සදහා සමාජාල මාධ්‍ය තුලද මෙහෙයුමක් ආරම්භ කර තිබේ. ඒ සදහා රවි කරුණානායක විසින් මුදල් ගෙවා නඩත්තු කරන පුද්ලයින් යොදවා තිබේ. කෙසේ වෙතත් එසේ පලකරන පෝස්ට් සදහාද එජාප පාක්ෂිකයින්ගෙන පවා දැඩි විරෝධයක් එල්ල වෙන බව ඒ සදහා යොමුකර තිබෙන ප්‍රතිචාර අනුව පෙනී යයි.

The post එජාප මහ ලේකම් ධුරය රවීට දෙනවට බහුතර එරෙහි වෙයි.. රවී මහලේකම් කිරීමේ රනිල්ගේ සැලැස්මෙන් පක්ෂය දෙකඩවීමේ අනතුරක්.. රවී ආවොත් වෙන්න යන අවුල මෙන්න appeared first on ColomboXnews.