අම්පාර දමන ප්‍රාදේශීය ලේකම් කාර්යාලය තුළ පිහිටි බක්පිටිය ගම්මානයට ඇතුලත් වීමට ඇති හි අබලන් වූ මාර්ගයක් සංවර්ධනය කිරීමේ මුවාවෙන් සැඟවුණු නිධානයක් හෑරීමට ගත් උත්සාහයක් බලධාරීන්ට වාර්තා වී ඇති අතර, මේ දක්වා ඒ සම්බන්ධයෙන් කිසිදු ක්‍රියාමාර්ගයක් ගෙන නොමැත.
ප්‍රදේශවාසීන් පවසන පරිදි, ජූනි මස 05 වැනිදා කණ්ඩායමක් පැමිණ වැලිපිටිය නම් ප්‍රදේශයේ කැණීම් සිදු කර ඇත. ඉන් අනතුරුව මාර්ගයට කාපට් අතුරන බවට පවසා ජූනි මස 11 වන දින ඉදිකිරීම් කටයුතු සඳහා පැය 24 ක් වසා තබන බව ප්‍රදේශවාසීන්ට දන්වා තිබුණි.
බක්පිටිය ග්‍රාම සේවා නිලධාරියා සිද්ධිය පිළිබඳව දමන ප්‍රාදේශීය ලේකම් කාර්යාලයට දන්වා ඇති අතර ඔහු පුරාවිද්‍යා දෙපාර්තමේන්තුවට දන්වා තිබේ
කැණීම් සිදු කළ ප්‍රදේශය පුරාණ පුරාවිද්‍යාත්මක ස්ථානයක් වන අතර එය දෘශ්‍යමාන මාර්ගයට පහළින් පිහිටා ඇත.
පුරාවිද්‍යා දෙපාර්තමේන්තුවේ නිලධාරීන් එම ස්ථානයට පැමිණි විට නිධන් හොරුන් විසින් කැණීම් කරන ලද ස්ථානයේ ගල් ආසනයක් ඇතුළු පුරාණ පුරාවස්තු කිහිපයක් සොයාගෙන තිබේ.
නීතිවිරෝධී කැණීම් සම්බන්ධයෙන් මාර්ග සංවර්ධන කොන්ත්‍රාත්තුව භාරව සිටින කොන්ත්‍රාත්කරුගෙන් විමසීමේදී මේ සිද්ධිය පිළිබඳව ඔවුන්ගේ සම්බ්නධතාවක් නොමැති බව පවසා ඇත.
නිධන් හොරුන් විසින් නීති විරෝධී ලෙස කැණීමෙන් පසු දින 10 ක් ගතවී ඇතත්, පුරාවිද්‍යා දෙපාර්තමේන්තුව හෝ පොලිස් දෙපාර්තමේන්තුව විසින් කිසිදු ක්‍රියාමාර්ගයක් ගෙන නොමැත.
වත්මන් රජයේ මහාමාර්ග අමාත්‍යවරයා ලෙස ජොන්ස්ටන් ප්‍රනාන්දු මහතා කටයුතු කරන අතර රාජ්‍ය අමාත්‍යවරයා ලෙස නිමල් ලාන්සා කටයුතු කරයි
The post අම්පාර දමන ප්‍රදේශයේ මාර්ගයක් සංවර්ධනය මුවාවෙන් එක රැයකින් නිධානයක් ගොඩගනී – මහාමාර්ග – පුරාවිද්‍යා තවමත් නිහඬයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka