අපි දෙන්නා කළ සුහද කථාවකදී මම ලේකම්ට යන්න කිව්වා – මහින්දානන්ද

කෘෂිකර්ම අමාත්‍යාංශයේ ලේකම්වරයා වූ විශ්‍රාමික මේජර් ජෙනරල් සුමේධ පෙරේරා මහතා එම ධුරයෙන් ඉවත් වීමක් පිළිබඳව සමාජයේ ඇති වූ කතිකාවත පිළිබඳව සිය මතය කෘෂිකර්ම අමාත්‍ය මහින්දානන්ද අලුත්ගමගේ අමාත්‍යවරයා විසින් හෙළිදරව් කර තිබේ.

සුමේධ පෙරේරා මහතා ඉතා කාර්ය බහුල පුද්ගලයකු බැවින් ඒ කාර්ය බහුලත්වය මත කෘෂිකර්ම අමාත්‍යාංශයේ වැඩ කටයුතු සඳහා වැය කිරීමට කාලය ප්‍රමාණවත් නොවන බව තමා දුටු බව අමාත්‍යවරයා අවධාරණය කරයි.

එනිසා තමන් හා ලේකම්වරයා අතර සුහඳ සාකච්ඡාවක් සිදු වූ අතර එහිදී තමන් ඔහුට වෙනත් ස්ථානයකට යන ලෙස ඉල්ලා සිටි බවත් තමාගේ ගානට දුවන කෙනෙක් ලේකම් ධුරයට පත්කර ගැනීමට අවශ්‍ය බව දැනුම් දුන් බවද සඳහන් කරයි.

අමාත්‍යවරයා මේ අදහස් පල කලේ සති අන්ත ජාතික පුවත් පතක් සමඟ සාකච්ඡාවට එක්වෙමිනි.

මේවන විට සුමේධ පෙරේරා මහතා වෙනුවට එම්. බී. ආර්. පුෂ්පකුමාර මහතා කෘෂිකර්ම අමාත්‍යාංශයේ ලේකම් ධූරය සඳහා නව පත්කොට ඇති බව වාර්තා වේ.

The post අපි දෙන්නා කළ සුහද කථාවකදී මම ලේකම්ට යන්න කිව්වා – මහින්දානන්ද appeared first on ColomboXnews.