අද තවත් ඝාතනයක්..! මල්වතු හිරිපිටිය පන්සලේ හිමිනමක් විහාරස්ථානය තුළම වෙඩි තබා ඝාතනය කරයි!

ගම්පහ මල්වතු  හිරිපිටිය කහටාන ගණාරාම මහා විහාරස්ථානය තුළ හිමිනමක් ටී – 56 ගිනි අවියකින් වෙඩි තබා අද දහවල් ඝාතනය කර තිබේ. අද (ජන. 23) පෙරවරුවේ 11.50 ත් 12.00ත් අතර කාලය තුළ මෙම වෙඩි තැබීම සිදු කර ඇත.

ඝාතනය කර ඇත්තේ කලපලුවාවේ ධම්මරතන නම් 45 හැවිරිදි හිමිනමකි. පොලිසිය පවසන්නේ උන්වහන්සේට වෙඩි දෙකක් තබා ඇති බවය.

5345 අංක දරන දම්පැහැති හොණ්ඩා මෝටර් රථයකින් පැමිණි ඝාතකයින් උන්වහන්සේට වෙඩි තබා ඝාතනය කර පලා ගොස් තිබේ.

ඝාතනය සඳහා සැකකරුවන් 04 දෙනෙක් පැමිණ ඇත.  වෙඩි වැදුණු හිමිනම ගම්පහ රෝහලට ඇතුළත් කිරීමෙන් පසු අපවත් වී ඇත.

මේ අතර, දක්‍ෂිණ අධිවේගී මාර්ගයේ බෙලිඅත්ත පිවිසුම අසල බෙලිඅත්ත, වලස්මුල්ල මාර්ගයේ කහවත්ත ප්‍රදේශයේදී සුදු පැහැති ඩිෆෙන්ඩර් රථයක් ඉලක්ක කරගෙන තැබූ වෙඩි ප්‍රහාරයෙන් අපේ ජනබල පක්‍ෂයේ නායක සමන් පෙරේරා ඇතුළු පස්දෙනකු ඊයේ (ජන. 22) ජීවිතක්‍ෂයට විය.

The post අද තවත් ඝාතනයක්..! මල්වතු හිරිපිටිය පන්සලේ හිමිනමක් විහාරස්ථානය තුළම වෙඩි තබා ඝාතනය කරයි! appeared first on ColomboXnews.