වයස අවුරුදු 20 වැඩි සියලු දෙනාට බූස්ටර් එන්නත ලබාදීමට රජයේ අවදානය යොමුව ඇතැයි නියෝජ්‍ය සෞඛ්‍ය සේවා අධ්‍යක්ෂ ජනරාල් හේමන්ත හේරත් මහතා පවසයි.
නියෝජ්‍ය සෞඛ්‍ය සේවා අධ්‍යක්ෂවරයා සඳහන් කර සිටියේ, සෞඛ්‍ය සේවා අධ්‍යක්ෂ ජනරාල්වරයා විසින් ඒ සම්බන්ධයෙන් ඉදිරියේදී ලිඛිත මාර්ගෝපදේශ නිකුත් කිරීමෙන් අනතුරුව මෙම එන්නත ලබා ගත හැකි බවයි.
අදාළ සෞඛ්‍ය වෛද්‍ය නිලධාරී කාර්යාලයෙන් මේ පිළිබඳව දැනුවත් කිරීමෙන් පසුව එන්නත ලබා ගැනීමේ හැකියාව පවතී.
මේ අතර අවුරුදු 12 – 15 අතර දරුවන්ට එක් එන්නතක් ලබා දීමටත්, අවුරුදු 16 – 19 අතර දරුවන්ට දෙවන එන්නත ලබා දීමට ද නිර්දේශ වී ඇති බවද නියෝජ්‍ය සෞඛ්‍ය සේවා අධ්‍යක්ෂ ජනරාල් හේමන්ත හේරත් මහතා පවසා සිටි.
Source From colombotoday
Author: ctadmin
#SriLanka #News #lka