ඉදිරියේදී ඉන්ධන සැපයුම අභියෝගයක් වන බව, බලශක්ති අමාත්‍යාංශය පවසයි.
අමාත්‍යාංශයේ ජ්‍යෙෂ්ඨ නිලධාරියෙකු සඳහන් කරන්නේ, ලංකා IOC ඉන්ධන මිල යළි ඉහළ දැමීම හමුවේ, එම තත්ත්වය තවදුරටත් උග්‍ර වනු ඇති බවයි.
කෙසේ වෙතත්, සිපෙට්කෝ ඉන්ධන මිල ගණන් ඉහළ දැමීමට කිසිදු තීරණයක් මේ දක්වා ගෙන නොමැති බව ද, එම නිලධාරියා තහවුරු කරයි.
බලශක්ති අමාත්‍යාංශය පෙන්වා දෙන්නේ, IOC ඉන්ධන මිල ඉහළ යාමට සාපේක්ෂව සිපෙට්කෝ ඉන්ධන පිරවුම්හල්වලින් ඉන්ධන ලබා ගැනීමේ ධාරිතාව ඉහළ යමින් ඇති බවයි.
එම තත්ත්වය තුළ අඛණ්ඩ ඉන්ධන සැපයුම අභියෝගයක් බව, අමාත්‍යාංශය පවසයි.
බලශක්ති අමාත්‍යාංශය ජනතාවගෙන් ඉල්ලා සිටින්නේ, පවතින කරුණු සැළකිල්ලට ගෙන අනවශ්‍ය තොග රැස් කිරීමෙන් වළකින ලෙසය.
කෙසේ හෝ පවතින තත්ත්වය කළමනාකරණය කර ගැනීමට කටයුතු කරන බව, අමාත්‍යාංශය වැඩි දුරටත් සදහන් කරයි.
Source From colombotoday
Author: ctadmin
#SriLanka #News #lka