රාවුල් කැස්ත්‍රෝ තරුණ පරම්පරාවට ඉඩ දෙමින් කොමියුනිස්ට් පක්ෂ නායකත්වයට සමු දෙයි

කියුබානු කොමියුනිස්ට් පක්ෂ නායකත්වයෙන් තමා ඉල්ලා අස්වන බව රාවුල් කැස්ත්‍රෝ ප්‍රකාශ කර තිබේ.

පක්ෂයේ කොංග්‍රස් මණ්ඩලය අමතමින් ඔහු ප්‍රකාශ කර ඇත්තේ එම නායකත්වය තරුණ පරම්පරාවට භාරදිමට තමා සූදානම් බවය.

ඒ අනුව 1959 සිට දශක 06ක පමණ කාලයක් කැස්ත්‍රෝ පවුලට හිමිව තිබූ කොමියුනිස්ට් පක්ෂ නායකත්වය වෙනත් පාර්ශවයකට හිමි වනු ඇති.

දින 04ක් පුරා පැවැත්වෙන කොංග්‍රස් රැස්විමේදී ඡන්ද විමසීමක් මගින් නව නායකයා තෝරා ගැනීමට නියමිතය.

කියුබානු හිටපු නායක ෆිදෙල් කැස්ත්‍රෝගේ සොහොයුරා වන රාවුල් කැස්ත්‍රෝ 89 හැවිරිදි වියේ පසු වේ.