රාජකාරියේ යෙදී සිටි එස් අයි ගේ යතුරුපැදියට ගිනි තියලා

දියතලාව නගරයේ රාජකාරි කළ පොලිස් උප පරීක්ෂකවරයකු ගේ යතුරුපැදියක් පැහැරගෙන වෙනත් ස්ථානයකට ගෙන ගොස් ගිනිතබා විනාශ කර දමා තිබියදී අද (19) අලුයම හමුවූ බව දියතලාව පොලීසිය පවසයි.

දියතලාව පොලිසියට අනුයුක්තව රථවාහන අංශයේ ස්ථානාධිපතිවරයා වශයෙන් කටයුතු කරන උප පොලිස් පරීක්ෂකවරයෙකු ට අයත් යතුරු පැදියක් මෙසේ රැගෙන ගොස් ගිනි තබා ඇති බව පොලීසිය කියයි.

රාත්‍රී අමුත්තන්ගේ මෙහෙයුම් රාජකාරියේ යෙදී සිටින අතරතුර බීමත් තීරෝද රථයක් දියතලාව නගරයේ දී අත්අඩංගුවට ගෙන යතුරුපැදිය නගරයේ එම ස්ථානයකම නවතා අත්අඩංගුවට ගත් ත්‍රී රෝද රථ පදවා ගෙන උප පොලිස් පරීක්ෂක වරයා පොලිසියට රැගෙන ගොස් තිබේ.

පසුව නැවත ගොස් යතුරු පැදිය ගෙන ඒමට ගියද එම ස්ථානයේ නොතිබීම නිසා සොයා බැලීමේදී එය දියතලාව ගල්කන්ද ප්‍රදේශයේ ගිනි තබා තිබියදී හමු වූ බව පොලිසිය කියයි.

යතුරුපැදිය මුළුමනින්ම ගිනිගෙන විනාශ වී තිබූ බවද පොලිසිය කියයි.

මෙසේ යතුරු පැදිය පැහැරගෙන ගිනිතබා විනාශ කළ පුද්ගලයන් සොයා කඩිනම් විමර්ශනයක් ආරම්භ කළ බවද දියතලාව පොලීසිය කියයි.

දියතලාව පොලීසිය පරීක්ෂණ පවත්වයි.

The post රාජකාරියේ යෙදී සිටි එස් අයි ගේ යතුරුපැදියට ගිනි තියලා appeared first on Colombo Today.