යූරියා පොහොර නැවක් ලබන සතියේ දිවයිනට..

යූරියා පොහොර නෞකාවක් ලබන සතියේ මෙරටට ළඟා වන බව පොහොර ලේකම් කාර්යාලයේ, අධ්‍යක්ෂ චන්දන ලොකු ලියන මහතා සඳහන් කරයි.

මැලේසියාවේ සිට රැගෙන එන අදාළ නෞකාවේ යුරියා මෙට්‍රික් ටොන් 22,000 ක් අන්තර්ගත බවත් එම පොහොර මහ කන්නයේ වී වගාව සඳහා ගොවින්ට බෙදා දිමට නියමිත බවත් ඔහු වැඩිදුරටත් පවසයි.

මීට පෙර යුරියා මෙට්‍රික් ටොන් 13,000ක් මෙරටට රැගෙන ආ අතර එම පොහොර මේ වන විට මහ කන්නයේ වී වගාව සඳහා ගොවීන්ට බෙදා දී තිබේ.