යුක්රේන ආරක්ෂක ප්‍රධානියෙක් හදිසියේම දිවයිනට

ඉන්දියාවේ යුක්රේන තානාපති කාර්යාලයේ ආරක්ෂක ගුවන් හා නාවික අනුයුක්ත කර්නල් වොලොඩිමියර් බකේ ගුවන් හමුදාපති එයාර් මාර්ෂල් සුදර්ශන පතිරණ හමු වී තිබෙනවා.ඒ ඊයේ (15) දින ගුවන් හමුදා මූලස්ථානයේදී යි.

මෙම හමුවේදී දෙරටටම අන්‍යෝන්‍ය වශයෙන් වැදගත් කරුණු කිහිපයක් පිළිබඳව සාකච්ඡා කෙරුණු අතර, ඉදිරියේදී ඒ සඳහා අවශ්‍ය පියවර ගන්නා බවයි ගුවන් හමුදාපතිවරයා මෙහිදී කර්නල් වොලොඩිමියර්ට ප්‍රකාශ කළේ.අදාළ හමුවීම සනිටුහන් කිරීම සඳහා නිල ඵලක හුවමාරු කර ගැනීමක් ද සිදු වුණා.