මහ කන්නයේ වගා හානි වූ ගොවීන්ට වන්දි ලබන සතියේ සිට

මහ කන්නයේ වගා හානි වූ ගොවීන්ට හෙක්ටයාරයකට රුපියල් 50,000 බැගින් ලබාදීමට රජය තීරණය කළ බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි.

මෙම යෝජනාව සඳහා කැබිනට් අනුමැතියද ලැබුණ බව කී අලුත්ගමගේ මහතා අදාළ මුදල ලබන සතියේ සිට ලබාදෙන බවද සඳහන් කරයි.

මෙි වන විට වී කිලෝව රුපියල් 92 සහ 95 අතර මුදලකට මිලදී ගන්නා බව කී අලුත්ගමගේ මහතා ගොවීන්ට වගා හානි වන්දිය ද ලැබුණු පසුව කිසිම ආර්ථික අහේනියක් ඇති වීමට ඉඩක් නැති බව ද සඳහන් කරයි.

රසායනික පොහොර තහනමෙන් පසුව නියමිත වෙලාවට කාබනික පොහොර ලබා දෙන්නට නොහැකි වූ නිසා නිෂ්පාදනයේ අඩුවක් සිදු වූ බව පවසන අලුත්ගමගේ මහතා ගොවීන්ට කිසිදු අසාධාරණයක් වන්නට ඉඩ නොදෙන බව තමා මුල සිටම පැවසූ බවද කියයි.

කෘෂිකර්ම අමාත්‍යංශයේ දී මාධ්‍යට විශේෂ ප්‍රකාශයක් කරමින් මහින්දානන්ද අලුත්ගමගේ මහතා මේ බව පැවසීය.