පොලිසියට තග දැමූ සරසවි සිසුන් තිදෙනෙක් අත්අඩංගුවට

මහනුවර පල්ලේකැලේ ක්‍රීඩාංගණයේදී ශ්‍රී ලංකාව සහ ඕස්ට්‍රේලියාව අතර ඊයේ (16)දින පැති තරඟය අතරතුර පොලිස් නිලධාරීන්ගේ රාජකාරියට බාධා කරමින් නොසන්සුන්කාරී ලෙස හැසිරුණු සරසවි සිසු සිසුවියන් තිදෙනකු අත්අඩංගුවට ගත් බව පොලීසිය කියයි.

පේරාදෙණිය විශ්ව විද්‍යාලයේ සිසුන් දෙනකු සහ සිසුවියක් මෙලෙස අත්අඩංගුවට ගෙන ඇත.

පොලිස් නිලධාරීන් ඊයේ පස්වරුවේ ක්‍රීඩාලෝලීන්ගේ ප්‍රවේශපත්‍ර පරික්ෂා කිරීමේ කටයුතුවල නිරතවෙමින් සිටියදී මොවුන් ඇතුළු කණ්ඩායමක් නිලධාරීන්ට සාපරාධී බලහත්කාරකම් පාමින් නොසන්සුන්කාරී ලෙස හැසිරමෙන් පොලිස් නිලධාරීන්ට පරුෂ වචනයෙන් බැන වැදී ඒම රාජකාරියට බාධා කර ඇති බව පොලිසිය පවසයි.