පිළියන්දල ප්‍රදේශයේ අද (04) අලුයම පැය හතරක කාලයක් පුරා සිදුකළ මෙහෙයුමේදී සැකපිට පුද්ගලයන් දොළොස් දෙනෙකු ඇතුළු 32දෙනෙකු අත්අඩංගුවට ගෙන තිබේ.
එම පිරිස අතර විවෘත වරෙන්තු ලැබූ කාන්තාවක් ඇතුළු පුද්ගලයන් තිදෙනෙක් ද වන බව පොලීසිය සඳහන් කරයි.
අනෙකුත් සැකකරුවන් අතර හොරෙයින් මත්කුඩු ,අයිස් මත්ද්‍රව්‍ය හා ගංජා සමග පුද්ගලයන් 17 දෙනෙකු ද, සැකපිට ප්‍රශ්න කිරීම සඳහා පුද්ගලයන් 12 දෙනෙකු ද එකී සැකකරුවන් පිරිස අතර වන බව පොලිසිය පවසයි.
අලුයම 1 සිට අළුයම 5 දක්වා පැය හතරක කාලයක් පුරා මෙහෙයුම ක්‍රියාත්මක කළ බවත් ඒ සඳහා පිලියන්දල පොලිසියේ ස්ථානාධිපති ප්‍රධාන පොලිස් පරීක්ෂක සනත් රංජිත්ගේ ප්‍රධානත්වයෙන් යුත් කණ්ඩායමක් ඇතුළු කණ්ඩායම් 5 ක් සහභාගි වී ඇත.
Source From colombotoday
Author: ctadmin
#SriLanka #News #lka