පින්නවල අලි සංරක්ෂණාගාරයේ රඳවා සිටි තවත් හීලෑ අලියෙකු අද (09)දින උදෑසන මුල් හිමිකරුට මුදා හැරීමට පියවර ගෙන තිබුණි.
අපරාධ පරීක්ෂණ දෙපාර්තමේන්තුවේ විශේෂ විමර්ශන අංශය නීතිපතිවරයාගේ උපදෙස් හා වනජීවී අමාත්‍යවරයාගේ ගැසට් නිවේදනයක් මත පදනම්ව අධිකරණයට කරුණු දැක්වීමෙන් පසුව නඩු භාණ්ඩ ලෙස සත්වෝද්‍යාන දෙපාර්තමේන්තුව භාරයේ රඳවා තිබූ හීලෑ අලි ඇතුන් 13 දෙනෙකු මුල් හිමිකරුවන්ට මුදා හරින ලෙස නියෝග කෙරිණි.
මෙම නියෝගයට අනුව ගත වූ දින දෙකේ පින්නවල හා උඩවලව අලි සංරක්ෂණ මධ්‍යස්ථානවල සිටි හීලෑ අලි ඇතුන් කිහිපදෙනෙකු මුල් හිමිකරුවන්ට මුදා හැරීමට පියවර ගත්තේ ය.
Source From colombotoday
Author: ctadmin
#SriLanka #News #lka