පාසල් සිසුවියන් දෙදෙනෙක් දුම්රියක ගැටෙයි

පාසල් සිසුවියන් දෙදෙනෙක් දුම්රියක ගැටී විසිවී ගොස් අද (30) පෙරවරුවේ අනතුරක් සිදුවී තිබුණි.

ඒ අම්බලන්ගොඩ කුලරත්න පාලම ප්‍රදේශයේදීය.

අනතුරෙන් තුවාල ලැබූ එක් සිසුවියක් බලපිටිය රෝහලට ඇතුළත් කෙරුණි.

අනෙක් සිසුවියට සුළු තුවාල සිදුවී ඇති බවද වාර්තා විය.

සිසුවියන් දෙදෙනා අද පෙරවරුවේ දුම්රිය මාර්ගයේ ගමන් කරමින් සිට ඇති අතර එම අවස්ථාවේදී දුම්රියක් පැමිණෙන බවට නිරීක්ෂණය වීමෙන් මාර්ගයෙන් පිටතට යාමේදී දුම්රියේ ගැටී තිබේ.

17 හැවිරිදි මෙම සිසුවියන් දෙදෙනා අද උදෑසන උපකාරක පංතියකට සහභාගිවීම සඳහා යමින් සිටියදී මෙම අනතුරට මුහුණ දී ඇති බව වාර්තාවේ.