පාර්ලිමේන්තුවේ නව සැසිවාරය විවෘත කිරීම හෙට – ආචාර වෙඩිමුර පෙළපාළි නෑ

කල් තැබුණු පාර්ලිමේන්තුවේ නව සැසිවාරය හෙට (03)දින ජනාධිපති රනිල් වික්‍රමසිංහ මහතා විසින් විවෘත කිරීමට නියමිතයි.

හෙට පැවැත්වෙන උත්සවය වියදම් අඩු කර චාම් ලෙස පවත්වන ලෙස ජනාධිපතිවරයා පාර්ලිමේන්තුවේ වේත්‍රධාරීවරයාට උපදෙස් දී ඇති අතර ඒ අනුව අශ්වාරෝහක පෙළපාලි,උත්තමාචාර,ආචාර වෙඩිමුර සහ මාර්ග දෙපස කෙරෙන ත්‍රිවිධ හමුදා පෙළ ගැසීම්වලින් තොරව ජනාධිපතිවරයාව පිළිගැනීමට නියමිත බව පාර්ලිමේන්තුවේ ආරංචි මාර්ග සඳහන් කරයි.

හෙට පැවැත්වෙන උත්සවයට අදාළ පෙරහුරු වැඩසටහනක් අද (02)දින පාර්ලිමේන්තු සංකිර්ණයේදී පැවැත්වෙයි.