පලස්තීනයට සහයෝගය පලකල රැලියකට බෝම්බ ප්‍රහාරයක්.

ඊයේ (21) ඇෆ්ගනිස්ථානයට මායිම්ව පිහිටි පාකිස්තාන නගරයක පැවති පලස්තීන හිතවාදී රැලියකට එල්ලවූ බෝම්බ ප්‍රහාරයකින් පුද්ගලයින් 6 දෙනෙකු මියගොස් තවත් 14 දෙනෙකු තුවාල ලබා ඇති බව බලධාරීහු පවසති.

ගාසා තීරය පාලනය කරන ඉස්ලාමීය කන්ඩායම වන හමාස් සහ ඊශ්‍රායලය අතර සටන් විරාමයක් ප්‍රකාශයට පත් වී පැය කිහිපයකට පසු දහස් ගණන් ජනයා පාකිස්තානය පුරා පලස්තීනුවන්ට සහයෝගය දක්වන රැලි පැවැත්වුහ..

මෙම පිපිරීම සිදුවන්නේ ක්වේටා ප්‍රාන්තයේ චීන තානාපතිවරයා ලැගුම්ගෙන සිටි සුඛෝපභෝගී හෝටලයකට මරාගෙන මැරෙන බෝම්බ ප්‍රහාරයක් එල්ලකර සති කිහිපයකට පසුවය.

එම ප්‍රහාරයේ වගකීම පාකිස්තාන තලේබාන් සංවිධානය විසින් බාරගන්නා ලදි.