නේමිගේ වැවේ ගිලී පාසල් සිසුවෙක් මරුට

මහඔය පොලිස් වසමේ නේමිගේ වැවේ මසුන් ඇල්ලීම සඳහා ගොස් සිටි පිරිසක් අතරෙන් පාසල් සිසුවෙක් ජීවිතක්ෂයට පත්ව තිබේ.

එසේ මියගොස් ඇත්තේ, මහවැල් ගම්මානය, පොල්ලේ බද්ද ප්‍රදේශයේ පදිංචි 16 හැවිරිදි පාසල් සිසුවෙකි.

ඊයේ (07) උදෑසන කාලයේදී එම සිදුවීම වාර්තා වී ඇති බව පොලීසිය පවසයි.

මියගිය සිසුවා තවත් කිහිපදෙනෙකු සමඟ නේමිගේ වැවේ මසුන් ඇල්ලීමට ගොස් ඇති අතර, එක් අයෙකු දියේ ගිලෙමින් සිටිනු දැක මරණකරු විසින් ඔහුව බේරා ගැනීමට උත්සාහ කිරීමේදී දියේ ගිලී ඇත.

පසුව පැමිණි පිරිස විසින් මෘත ශරීරය ගොඩ ගෙන තිබේ.

සිද්ධිය සම්බන්ධයෙන් මහඔය පොලීසිය වැඩිදුර විමර්ශන සිදුකරයි.

The post නේමිගේ වැවේ ගිලී පාසල් සිසුවෙක් මරුට appeared first on Colombo Today.