නව කැබිනට් මණ්ඩලයක් ලබන සතියේදී

ජනාධිපති ගෝඨාභය රාජපක්‍ෂ මහතා යටතේ නව කැබිනට් මණ්ඩලයක් ලබන සතියේදී පත් කරන බව රාජ්‍ය ඇමැති කාංචන විජේසේකර මහතා පාර්ලිමේන්තුවේදී ඊයේ (08)දින කීය.

මේ වනවිටත් රාජ්‍ය අමාත්‍යවරුන් ලෙස තමන්ද අදාළ අමාත්‍යාංශවලට ගොස් රාජකාරී කටයුතුවල නිරත වන බවද සඳහන් කළේය.

කැබිනට් මණ්ඩලය පසුගියදා ඉල්ලා අස්වූයේ වෙනත් පිරිසකට නව කැබිනට් මණ්ඩලයක් ඇති කිරීමට අවස්ථාව දීමේ අරමුණින් වුවද විපක්‍ෂයේ හෝ වෙනත් පාර්ශ්වයකට එවැනි හැකියාවක් නැති බව මේ වනවිට හෙළිවී තිබෙන බවද ඔහු කීය.

එබැවින් ව්‍යවස්ථානුකූල ලෙස නව කැබිනට් මණ්ඩලයක් පත්කිරීම ලබන සතියේ සිදු කරන බවත් ඒ පිළිබඳ සැකයක් තබා නොගන්නැයි දන්වන බවත් කාංචන විජේසේකර මහතා වැඩිදුටත් පැවසීය.