දෙහිවල සත්වෝද්‍යානයේ තෝර්ගේ ධේනුවටත් කොවිඩ්

දෙහිවල සත්වෝද්‍යානයේ කොවිඩ් ආසාදනය වූ ”තෝර්” නැමැති සිංහයාගේ ධේනුවටද කොවිඩ් වෛරසය ආසාදනය වී ඇති බව තහවුරු වී තිබේ.

පේරාදෙණිය පශු වෛද්‍ය පීඨය සහ රාගම වෛද්‍ය පීඨය කළ පරීක්ෂණවලදී මේ බව තහවුරු වී තිබේ.

මේ තත්ත්වය යටතේ එම සිංහ ධේනුවද හුදෙකලා කර ප්‍රතිකාර ලබා දීමට පියවර ගෙන ති බව වනජීවී රාජ්‍ය අමාත්‍ය විමලවීර දිසානායක මහතා සඳහන් කරයි.

‘‘ෂීනා’’ නමැති මෙම සිංහ ධේනුව ජර්මනිය හාර්ගන් බර්ග් සත්වෝද්‍යානයෙන් ලැබුණු සත්වයෙකු වෙයි.