දෙවරක් පැනගිය කොවිඩ් ආසාදිතයා මරුට බිලි

හෝමාගම මූලික රෝහලේ ප්‍රතිකාර ලබමින් සිටින අතරතුර පසුගිය 14 වැනිදා දෙවරක් ඉන් පැනගිය කොවිඩ් ආසාදිතයා මිය ගොස් තිබේ.

හෝමාගම රෝහල් පොලීසිය පැවසුවේ මියගිය කොවිඩ් ආසාදිතයා 65 හැවිරිදි රාගම ඉහළගම පදිංචිව සිටි අයෙක් බවය.

ඔහුගේ අවසන් කටයුතු මීගොඩ මුතුහේනවත්ත පොදු සුසාන භූමියේදී සිදුකර තිබේ.

ඉකුත් 14 වනදා පැනගොස් සිටි එම ආසාදිතයා සොයා ගැනුණේ යාබද නිවසක් අසල රැඳී සිටියදීය.

පසුව ඔහු නැවතත් එදින පස්වරු 3ට පමණ රෝහලෙන් පළාගොස් තිබුණි.

රෝහල් පොලීසිය සිදුකළ සෝදිසි මෙහෙයුමකින් පසුව එම ආසාදිත පුද්ගලයා රෝහලට මීටර් 500 ක් පමණ දුරින් පිහිටි ගලවිලවත්ත දුම්රිය ස්ථානයට යාබද නිවසක් අසල රැඳී සිටියදී සොයා ගැණුනි.