දුම්රිය කර්මාන්ත ශාලාවකට ආ හොරෙක් වෙඩි කයි

ගල්කිස්ස පොලිස් වසමේ රත්මලාන ප්‍රදේශයේ පිහිටි දුම්රිය දෙපාර්තමේන්තුවට අයත් කර්මාන්ත ශාලාවක දේපළ සොරකම් කළ තිදෙනෙකුට ඊයේ (26) දින උදෑසන වෙඩි තැබීමක් සිදුකර තිබේ.

අදාළ සැකකරුවන් තිදෙනා දේපළ සොරාගැනීමට උත්සාහ දැරීමේ දී දුම්රිය ආරක්ෂක නිලධාරියෙකු විසින් එය නැවැත්වීමට යාමේදී ඔහුට සැකකරුවන් විසින් තියුණු ආයුධයකින් පහරදීමට තැත්කර ඇත.

එහිදී දුම්රිය ආරක්ෂක නිලධාරියා විසින් සැකකරුවන් දෙසට වෙඩිතැබීමක් සිදුකර ඇති අතර එම වෙඩිතැබීමේ දී එක් සැකකරුවෙක් තුවාල ලබා, අනෙක් සැකකරුවන් දෙදෙනා පළාගොස් තිබේ.

තුවාල ලබා ඇත්තේ අවුරුදු 51ක් වූ මොරටුව ප්‍රදේශයේ පදිංචිකරුවෙකි.

ඔහු මේ වනවිට පොලිස් ආරක්ෂාව යටතේ කළුබෝවිල රෝහලේ ප්‍රතිකාර ලබන අතර පළාගිය සැකකරුවන් අත්අඩංගුවට ගැනීමට ගල්කිස්ස පොලීසිය වැඩිදුර විමර්ශන සිදුකරයි.

The post දුම්රිය කර්මාන්ත ශාලාවකට ආ හොරෙක් වෙඩි කයි appeared first on Colombo Today.