දුම්රියෙන් ඇද වැටී තරුණයෙක් මරුට

මාතර දුම්රිය ස්ථානයේදී ඊයේ (17) රාත්‍රියේ සිදුවූ අනතුරකින් තරුණයෙකු මියගොස් තිබේ.

මාතර දුම්රිය ස්ථානයෙන් බෙලිඅත්ත බලා ධාවනයට ගමන් ආරම්භ කළ සාගරිකා දුම්රියට ගොඩවීමට මෙම තරුණයා උත්සහ කර ඇති අතර එම අවස්ථාවේදී ඔහු දුම්රියත් දුම්රිය වේදිකාවත් අතරට ඇද වැටී තිබේ.

එහි සිරවී සිටි තරුණයා පිටතට ගැනීමට පැයක පමණ කාලයක් ගත වී තිබුණ ද පසුව ඔහු මිය ගොස් ඇත.

මෙලෙස මියගොස් ඇත්තේ රූසර විතානගේ නමැති 23 හැවිරිදි දික්වැල්ල, වැවුරුකන්නල ප්‍රදේශයේ පදිංචිව සිටි තරුණයෙකි.