ඩෙල්ටා ප්‍රභේදයේ වෛරස් අංශු දහස් ගුණයකින් වැඩී | පර්යේෂකයින්ගේ අලුත්ම අනාවරණය

කොවිඩ්-19 වයිරසයේ ඩෙල්ටා ප්‍රභේදය ආසාදනය වූ පුද්ගලයින් ‘කොරෝනා වෛරසයේ මුල් කාණ්ඩය’ ආසාදනය වූ අයට වඩා වෛරස් අංශු විශාල ප්‍රමාණයක් නිපදවන අතර එමඟින් ඔවුන් හරහා ආසාදනය පැතිරීම ඉතා පහසු වන බව අධ්‍යයනයකින් අනාවරණය වී තිබේ.

චීනයේ ගුවැංඩොං පළාතේ රෝග පාලනය හා වැළැක්වීමේ මධ්‍යස්ථානයේ පර්යේෂකයන් සොයාගෙන ඇති ආකාරයට ශරීරයේ වයිරස් අංශුවල ඝණත්වයේ මිනුමක් වන ‘වයිරස් ප්‍රමාණයට’ (පුද්ගලයෙකුගේ රුධිරයේ ඇති වයිරස් ප්‍රමාණය-viral load) අනුව ඩෙල්ටා ප්‍රභේදය ආසාදනය වූ පුද්ගලයන්ගේ ශරීරවල, වයිරසයේ මුල් කාණ්ඩය ආසාදනය වූ පුද්ගලයන්ට වඩා දළ වශයෙන් 1,000 ගුණයකින් වැඩි ය.

වර්තමාන ඇස්තමේන්තුවලට අනුව, ඩෙල්ටා ප්‍රභේදයට කොවිඩ් -19 ආසාදනයට හේතු වන වයිරසය වන SARS-CoV-2 හි මුල් ස්වභාවය මෙන් දෙගුණයක් වයිරස සම්ප්‍රේෂණය කළ හැකිය.

2020 අග භාගයේදී ඉන්දියාවේදී ප්‍රථම වරට හඳුනාගත් මෙම ඩෙල්ටා ප්‍රභේදය දැන් ලොව ප්‍රමුඛතම උප ප්‍රභේදය බවට පත්ව ඇති අතර එය අවම වශයෙන් රටවල් 111ක ව්‍යාප්ත වී ඇත.

චීනය සිදුකර ඇති මෙම අධ්‍යයනයේදී ඩෙල්ටා ප්‍රභේදය ආසාදනය වීමෙන් පසුව නිරෝධායනය කරන ලද පුද්ගලයින් 62 දෙනකු මෙම කණ්ඩායම විසින් නිරීක්ෂණය කරන ලද අතර, කාලයත් සමඟ එය වෙනස් වන්නේ කෙසේදැයි බැලීමට ආසාදන කාලය පුරාම සෑම දිනකම ඔවුන්ගේ වයිරස් ප්‍රමාණය(viral load) පරීක්ෂා කර ඇත.

2020 දී ව්‍යාප්තවූ මුල් SARS-CoV-2 වයිරසයට රෝගයට ගොදුරු වූ පුද්ගලයින් 63දෙනකුද සමඟ මෙම ඩෙල්ටා ආසාදන රටාවන් සංසන්ධනය කිරීමෙන් පසු මෙම ප්‍රතිඵල අනාවරණය වී තිබේ.