ජාතික සභාව රතන හිමි නිදහස් පක්ෂයට දුන් ගුලියක් – අතන මෙතන මෙවර කොතනටද ?

මේ දිනවල ශ්‍රී ලංකා නිදහස් පක්ෂ මන්ත්‍රීවරු මන්තරයක් මෙන් මතුරන “ජාතික සභාව” අතුරලියේ රතන මන්ත්‍රී හිමි විසින් ශ්‍රී ලංකා නිදහස් පක්ෂය දියාරු කිරීම සඳහා ලබාදුන් ගුලියක් බව වාරතා වෙනවා.

ජාතික ආණ්ඩුවක් නිර්මාණය කරන්නේනම්, ආණ්ඩුවෙන් ස්වාධීන වූ විමල් වීරවංශ, උදය ගම්මන්පිල සහ රතන මන්ත්‍රී හිමිට දේශපාලනය මෙහෙයවීමේ බලයක් ආරෝපණය කරගැනීම සඳහා “ජාතික සභා” සංකල්පය ගෙනවිත් ඇති බවයි තතු දත් ආරංචි මාර්ග සඳහන් කරන්නේ.

ස්වාධින වූ ප්‍රධාන දේශපාලන පක්ෂය වන ශ්‍රී ලංකා නිදහස් පක්ෂයෙන් ජාතික ආණ්ඩුව හැසිරීමේ බලය වෙන්කර “ජාතික සභාව” වෙත ආරෝපණය කර ගැනීමටත් ජාතික සභාව හැසිරවීමේ බලය රතන මන්ත්‍රී හිමි යටතට සහ ගැනීමටත් සැලසුම් දියත් කර ඇත.

මේ පිළිබඳව රතන මන්ත්‍රී හිමිට උපදෙස් ලබාදෙන ජපානයේ සිටින කට්ටඩියෙගෙන් ද විමසා ඇත.