ජනාධිපති මන්දිරයට අයුතු ලෙස ඇතුළුවීම සහ පොලිස් නිලධාරීන්ගේ රාජකාරියට බාධා කිරීම සම්බන්ධයෙන් සැකකරුවෙකු අත්අඩංගුවට ගෙන තිබේ.
කොටුව පොලිස් වසමේ බැංකු මාවත ප්‍රදේශයේදී නීති විරෝධි ජනරාශියක සාමාජිකයෙකුව සිටිමින් උද්ඝෝෂණයක් පවත්වා රජයේ දේපොළ හානි කිරීම සම්බන්ධයෙන් ද ඔහුට චෝදනා පවතින බව පොලිසිය සඳහන් කරයි.
ඔහු කොළඹ මධ්‍යම කොට්ඨාස අපරාධ විමර්ශන අංශයට ඉදිරිපත් වීමෙන් පසු අත්අඩංගුවට ගෙන ඇත.
ඔහු වයස අවුරුදු 32 ක කොස්වත්ත ප්‍රදේශයේ පදිංචිකරුවෙකි.
එමෙන්ම අරලියගහ මන්දිරයට ඇතුළු වී දේපොළවලට හානි කළ තවත් සැකකරුවෙක් බම්බලපිටිය ප්‍රදේශයේදී අත්අඩංගුවට ගෙන තිබේ.
පොලිසිය සඳහන් කරන්නේ, ඔහු වයස අවුරුදු 53 ක කොළඹ 3 ප්‍රදේශයේ පදිංචිකරුවක් බවයි.
Source From colombotoday
Author: ctadmin
#SriLanka #News #lka