ගොවීන්ට පොහොර ගන්න වවුචරයක් දීමේ යෝජනාව අද කැබිනට් මණ්ඩලයට..

මෙවර යල කන්නයේදී පොහොර මිලදී ගැනීම සඳහා ගොවීන්ට වවුචරයක් දීමේ යෝජනාව, අනුමැතිය සඳහා අද(08)දින කැබිනට් මණ්ඩලයට ඉදිරිපත් කරන බව, කෘෂිකර්ම අමාත්‍ය මහින්ද අමරවීර මහතා පවසයි.

ඒ සඳහා මේ වනවිටත් ජනාධිපති රනිල් වික්‍රමසිංහ මහතාගේ අනුමැතිය හිමිවී ඇති බව අමාත්‍යවරයා සඳහන් කරයි.‍

අදාළ යෝජනාවට පසුගියදා මුදල් කමිටුවේ ද අනුමැතිය හිමි විය.

එම මුදල් යොදා ගනිමින් යල කන්නයේදී කිසිදු බාධාවකින් තොරව රාජ්‍ය අංශයෙන් හෝ පුද්ගලික අංශයෙන් ගොවීන්ට පොහොර මිලදී ගත හැකි බව අමාත්‍යවරයා පවසයි.

එක් කන්නයකදී හෙක්ටයාරයකට රුපියල් 20,000 බැගින් පොහොර වවුචර් ක්‍රමය ක්‍රියාත්මක බව ද අමාත්‍යවරයා වැඩිදුරටත් සඳහන් කරයි.

The post ගොවීන්ට පොහොර ගන්න වවුචරයක් දීමේ යෝජනාව අද කැබිනට් මණ්ඩලයට.. appeared first on Colombo Today.