කොවිඩ් පාලන සීමා තවදුරටත් ලිහිල් කිරීමට ජනපතිගෙන් උපදෙස්

මේ වනවිට පනවා ඇති කොවිඩ් පාලන සීමා තවදුරටත් ලිහිල් කිරීමට පියවර ගන්නා ලෙස ජනාධිපතිවරයා උපදෙස් ලබාදී තිබේ.

ජනාධිපති කාර්යාලයේදී අද (10)දින රැස්වු කොවිඩ් මර්දන විශේෂ කමිටු සාකච්ඡාවේදී ජනාධිපතිවරයා ඒ බව අවධාරණය කර ඇත.

එහිදී ජනාධිපතිවරයා පෙන්වා දී ඇත්තේ විදෙස් සංචාරකයන්ගේ පැමිණීම ඉහළ ගොස් ඇති බවත් ගුවන් සමාගම් ගුවන් ගමන් වාර සංඛ්‍යාව ඉහළ දමා ඇති බැවින් සංචාරක ව්‍යාපාරයේ පවතින ප්‍රවර්ධනය සැලකිල්ලට ගෙන කටයුතු කරන ලෙසය.