කඳුළු ගෑස් උණ්ඩ සොරකම් කළ සැකකරුවෙක් අත්අඩංගුවට

ඉකුත් 13 වැනි දා පොල්දූව මංසන්ධිය ආසන්නයේ පැවති විරෝධතාව අතරතුර පොලිස් නිලධාරීන් සතුව තිබූ කඳුළු ගෑස් උණ්ඩ සොරකම් කළ සැකකරුවෙකු ඇතුල්කෝට්ටේ අලකේෂ්වර මාවත ප්‍රදේශයේදී අත්අඩංගුවට ගෙන තිබේ.

සැකකරුගේ නිවසේ තිබී කඳුළු ගෑස් උණ්ඩ 5 ක් සොයා ගත් බව පොලීසිය පවසයි.

පොල්දූව මංසන්ධිය අසල විරෝධතා විසුරුවා හැරීම සඳහා අවශ්‍ය කඳුළු ගෑස් උණ්ඩ පොලීසිය ත්‍රිරෝද රථයකින් ප්‍රවාහනය කර ඇති අතර සැකකරු විසින් එහි තිබී උණ්ඩ සොරකම් කර ඇති බව පොලීසිය සඳහන් කරයි.

26 හැවිරිදි සැකකරු අද අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතය.