එයාර් ඉන්දියා ගුවන් සමාගමේ පරිගණක පද්ධතියට එල්ලවූ සයිබර් ප්‍රහාරයකින් ගුවන් මගීන් ලක්ෂ 45ක පමණ පිරිසකගේ පෞද්ගලික තොරතුරු නිරාවරණය වී තිබේ.
එම ගුවන් සමාගම සතු වසර 10ක තොරතුරු පද්ධතියක් එම සයිබර් ප්‍රහාරය හේතුවෙන් නිරාවරණය වී ඇති බව වාර්තා වේ.
2011 වසරේ අගෝස්තු 26 වැනිදා සිට 2021 පෙබරවාරි මස 3 වනදා දක්වා වූ කාලය තුළ ගුවන් මගීන් හතලිස් පන් ලක්ෂයකගේ ක්‍රෙඩිට් කාඩ් පත් තොරතුරු, ජංගම දුරකතන අංක, ගුවන් ගමන් බලපත්‍ර සහ ලිපිනයන් ඇතුළු තොරතුරු එලෙස නිරාවරණය වී ඇත.
කෙසේවෙතත් සයිබර් ප්‍රහාරය එල්ල කළේ කුමන කණ්ඩායමක් විසින්ද යන්න පිළිබඳ මෙතෙක් තොරතුරු අනාවරණය වී නොමැති බව එයාර් ඉන්දියා ගුවන් සමාගම නිවේදනය කර තිබේ.
2018 වසරේ බ්‍රිටිෂ් එයාර්වේස් ගුවන් සමාගමේ පරිගණක පද්ධතියට එල්ල වූ සයිබර් ප්‍රහාරයකින් ගුවන් මගීන් ලක්ෂ 4කගේ තොරතුරු නිරාවරණය වී තිබුණි.
එම ගුවන් සමාගමට පවුම් මිලියන 20කට අධික දඩයක් ගෙවීමට සිදුව තිබුණේ මගීන්ගේ පෞද්ගලික තොරතුරු ආරක්ෂා කිරීමට අපොහොසත් වූ බවට චෝදනා එල්ලවීම හේතුවෙනි.
Source From colombotoday
Author: ctadmin
#SriLanka #News #lka