ඉඩම් අත් පත් කර ගැනීමේ අරමුණින් මිනී මරන්නෝ

මෙම දරුණු ප්‍රචණ්ඩ ක්‍රියා සිදුවන්නේ පැපුවා නිව්ගිනියා රාජ්‍යය තුළයි.

සැඟව සිට සිදුකළ වෙඩිතැබීමකින් පසුගිය සති අන්තයේදී පුද්ගලයින් 64 දෙනෙකු ඝාතනය කර ඇති බව විදෙස් මාධ්‍ය වාර්තා කරයි.

ඒ එම රට තුළ මෑතකදී වාර්තා වූ දරුණුතම ඝාතන සිද්ධිය මෙය බවයි සඳහන් වන්නේ.

විශේෂයෙන්ම එරට ප්‍රති විරුද්ධ ගෝත්‍රික කණ්ඩායම් අතර ප්‍රචණ්ඩ ක්‍රියා මේ වනවිට උග්‍ර වෙමින් පවතින බව විදෙස් මාධ්‍ය වාර්තා කරයි.

ගෝත්‍රික කණ්ඩායම් මෙලෙස සටන් වදින්නේ ඉඩම් සහ අනෙකුත් සම්පත් අත්පත් කර ගැනීමේ අපේක්ෂාවෙන් බවත් වාර්තා වේ.

ගෙවුණු වසරේ ජූලි මාසයේදී ද එන්ගා කලාපයේ ගැටුම් උග්‍ර වූ අතර ඒ හේතුවෙන් මාස තුනක් එම කලාපය මුළුමනින්ම වසාදැමීමට බලධාරීන් කටයුතු කළේය.

නීතිවිරෝධී ගිනි අවි මෙම කලාපයට ලැබීම හේතුවෙන් මෙසේ ගැටුම් උග්‍ර වන බව බලධාරීන් පැහැදිලි කරයි.

The post ඉඩම් අත් පත් කර ගැනීමේ අරමුණින් මිනී මරන්නෝ appeared first on Colombo Today.