ආසියාවේ මත්ද්‍රව්‍ය රජා ට්සේ චී ලොප් නෙදර්ලන්තයේදී අල්ලයි

ලොව විශාලතම මත්ද්‍රව්‍ය කල්ලියක නායකයෙකු වන ට්සේ චී ලොප් නෙදර්ලන්තයේ ඇම්ස්ටර්ඩෑම් ගුවන්තොටුපළේ දී අත්අඩංගුවට ගෙන තිබේ.

ඕස්ට්‍රේලියාව නිකුත් කළ වරෙන්තුවකට අනුව අත්අඩංගුවට ගත් එම ජාවාරම්කරු චීන සම්භවයක් සහිත කැනේඩියානු ජාතිකයෙකු බව වාර්තා වේ.

ඔහු ආසියාව පුරා ඩොලර් බිලියන 70ක පමණ වටිනාකමකින් යුත් මත්ද්‍රව්‍ය ජාවාරමක් මෙහෙයවන බවට අනාවරණය වී තිබේ.

පොලීසියට අවශ්‍යව සිටි 56 හැවිරිදි එම සැකකරු අත්අඩංගුවට ගැනීම සඳහා ඕස්ට්‍රේලියානු පොලීසිය අවුරුදු 10කට වැඩි කාලයක් මෙහෙයුම් සිදුකර ඇති බවට විදෙස් මාධ්‍ය වාර්තා කරයි.