අසේල සම්පත් පැහැරගෙන නෑ. – සිදුව ඇත්තේ අත්අඩංගුවට ගැනීමක්

මහජන අයිතීන් සුරකීමේ සංවිධානයේ අසේල සම්පත් පැහැරගෙන ගොස් ඇති බවට පලවන වාර්තා අසත්‍ය බව වාර්තා වෙනවා.

අපරාධ පරීක්ෂණ දෙපාර්තමේන්තුව විසින් අසේල සම්පත් මහතා අත්අඩංගුවට ගත් බවට තමන්ව දැනුවත් කර ඇති බවට පිළියන්දල ප්‍රදේශය භාර ජේෂ්ඨ පොලිස් නිලධාරියෙකු උපුටා දක්වමින් සිරස ප්‍රවෘති අංශය වාර්තා කර සිටියි.

පසුගිය සතියේ මාධ්‍ය හමුවක් පවත්වා රුපියල් මිලියන 200 ක් වටිනා නිවසක් ඇතුල් කෝට්ටේ ප්‍රදේශයෙන් අමාත්‍ය චන්න ජයසුමන මහතා විසින් මිලදී ගත් බවට අසේල සම්පත් මහතා චෝදනා කර සිටි අතර ඊට පිළිතුරු ලෙස අමාත්‍යවරයා සඳහන් කර සිටියේ හිටපු ඇමති රාජිත සේනාරත්න මහතාගේ කීමට අභූත චෝදනා නගන බවයි.

මීට දින කිහිපයකට පෙර එම මාධ්‍ය හමුවේදී සිදුකල චෝදනා සම්බන්දයෙන් අමාත්‍යවරයා විසින් අසේල සම්පත් මහතාට එන්තරවාසියක් ද යවා තිබුණි.

අදාළ මාධ්‍ය හමුව ආවරණය කල මාධ්‍යවේදීන් ගෙන් ද අපරාධ පරීක්ෂණ දෙපාර්තමේන්තුව අද දහවල් කට උත්තර සටහන් කරගෙන ඇත.