අමු මිරිස් 1065, කැරට් 330, බටු 450, පතෝල 390, මෑ 420 යි. | බන්දුලගේ විසඳුම ගහෙන් වැටුන මිනිහට ගොනා ඇනීමක්.

අද (9) එළවලු මිලට අනුව “අමු මිරිස් කිලෝ එකක් රුපියල් 1065 යි. කැරට් කිලෝ එකක් රුපියල් 330 යි. බටු කිලෝ එකක් රුපියල් 450 යි. පතෝල කිලෝ එකක් රුපියල් 390 යි. මෑකරල් කිලෝ එකක් රුපියල් 420 යි.” යැයි පාරිභෝගික අයිතිවාසිකම් සුරැකීමේ ජාතික ව්‍යාපාරයේ සභාපති රංජිත් විතානගේ මහතා පවසනවා.

එළවලු මිල වැඩිවීමට බලපෑ සාධක රජය සොයා බැලුවාදැයි ප්‍රශ්න කර සිටි ඒ මහතා ආර්ථිකය මධ්‍යස්ථානවල කඩ දේශපාලන හිතවතුන්ට කුලියට ලබා දී ඇති බවත් ඔවුන් එම ව්‍යාපාරික ස්ථාන අධික මුදල්වලට වෙළඳුන්ට කුලියට ලබා දී ඇති බවත් එම පිරිවැය ද වෙළඳුන් පාරිභෝගික භාණ්ඩ මත පැනවීම හේතුවෙන් එළවලු මිල වැඩිවී ඇති බවත් චෝදනා කර සිටියා.

අමු මිරිස් කිලෝ එකෙන් රුපියල් 1065 ක් උවද එයින් ගොවියට ලැබෙන්නේ රුපියල් 300ත් රුපියල් 350 ත් අතර මුදලක් බවත් සඳහන් කර සිටි විතානගේ මහතා ඇමති බන්දුලගේ විසඳුම ගහෙන් වැටුන මිනිහට ගොනා ඇනීමක් බවත් සඳහන් කර සිටියා.